Łukašenka na samicie BRIKS u Kazani daŭ intervju jašče i rasijskim «Iźviestijam», u jakim panarakaŭ, što Biełaruś i jašče bolš za dziasiatak krain atrymali zamiest paŭnavartasnaha siabroŭstva status tolki partniora BRIKS.
«Pra što BRIKS chacieła b, pierš čym prymać inšyja dziaržavy, padumać? A čamu Turcyju nie pryniać? Adziny člen NATA, jaki prajaviŭ cikavaść. Pry hetym bujnaja kraina, ekanomika mahutnaja. Čamu nie pryniać? Nie, nie pryniali. Prydumali hety «pryłaźnik» u vyhladzie partniora», — aburyŭsia Łukašenka.
Pry hetym jon adznačyŭ, što pra žadańnie dałučycca da BRIKS zajavili ŭvohule kala 30 dziaržaŭ, ale bolšaść nie atrymali navat i partniorstva.
Sam to jon, kab była jahonaja vola, asabliva nie pierabiraŭ by:
«Ja časta kažu: kali spynimsia, to tyja, što iduć za nami, rastopčuć. A tut niebiaśpieka ŭ tym, što kali my nie realizujem zadumy, nie zadavolim čakańni inšych dziaržaŭ, kalektyŭny Zachad pieramoža i budzie z nas prosta śmiajacca. I potym užo hłabalnuju arhanizacyju raźvivać abo zajavić pra stvareńnie hłabalnaj arhanizacyi ŭ śviecie budzie vielmi składana».
«Panios takuju łuchtu, što navat ja ździviŭsia». Kizim prakamientavaŭ zajavy Łukašenki
Akazvajecca, Biełaruś nie davała terytoryi dla napadu na Ukrainu. Łukašenka śćviardžaje, što heta było niešta inšaje
Łukašenka raskazaŭ, što pradstaŭniki Zachadu pryjazdžali da jaho pahavaryć pra Jemien i Kitaj
Łukašenka zajaviŭ, što siam‘ia moža bačycca z Kaleśnikavaj i što jana ničym nie adroźnivajecca ad «miljona» inšych palitviaźniaŭ
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary