U Štatach niazvykłaja dla biełarusaŭ sistema.
U ZŠA dziejničaje sistema elektaraŭ — delehavanych vybiralnikami asob, jakija ŭłasna i abirajuć prezidenta. Ich kolkaść u kožnym štacie praparcyjnaja pamieru nasielnictva. Naprykład, u samaha hustanasielenaha štata Kalifornija 54 elekty, a ŭ Vajominha, dzie mała ludziej, — 3.
Spačatku amierykancy hałasujuć. A paśla elektary pradstaŭlajuć zrobleny vybar. Kali ŭ štacie bolšaść prahałasavała za Trampa, to hałasy ŭsich elektaraŭ hetaha štata buduć jahonyja. Takoje praviła dziejničaje amal va ŭsich štatach, aproč Niabraski i Mena.
Usiaho ŭ kalehii 538 elektary. Kab pieramahčy na vybarach, kandydatu treba nabrać bolš za pałovu hałasoŭ — 270 i bolš.
Z-za asablivaściaŭ takoj sistemy časam pieramožcam vybaraŭ moža stać kandydat, jaki prajhraŭ ahulnanacyjanalnaje hałasavańnie.
Kali nivodzin z kandydataŭ nie nabiare patrebnuju kolkaść hałasoŭ, prezidenta buduć abirać členy Pałaty pradstaŭnikoŭ.
Ličycca, što ŭsio budzie zaležać ad vynikaŭ u siami chistkich štatach — Aryzonie, Džordžyi, Mičyhanie, Nievadzie, Paŭnočnaj Karalinie, Piensilvanii i Viskonsinie.
Pieršyja vybarčyja ŭčastki zakryjucca ŭ 18:00 pa Paŭnočnaamierykanskim uschodnim časie (hadzina nočy pa Minsku) u aŭtorak, a apošnimi — u 01:00 pa Ńju-Jorku (8 ranicy pa Minsku) u sieradu.
Kali zakryvajucca ŭčastki ŭ chistkich štatach? U Džordžyi — u 3 hadziny nočy pa Minsku (dalej budzie taksama paznačany biełaruski čas), u Paŭnočnaj Karalinie — u 3.30, u Piensilvanii — u 4 ranicy, u Mičyhanie i Viskonsinie — u 5, u Aryzonie — u 6.
U Nievadzie heta moža zaciahnucca, bo biuleteni možna dasyłać pa pošcie. Adnak u Piensilvanii, Mičyhanie i Viskonsinie taksama mohuć być zatrymki z padlikam.
Spačatku zvyčajna padličvajuć hałasy z vybarčych učastkaŭ na terytoryi ZŠA, addadzienyja ŭ asnoŭny dzień vybaraŭ. Paśla — biuleteni daterminovaha hałasavańnia. I samymi apošnimi — hałasy z vybarčych učastkaŭ za miažoj i z vajskovych baz ZŠA.
Čaściej pieramožca vybaraŭ abjaŭlajecca ŭ dzień hałasavańnia, ale padlik moža zaciahnucca i daŭžej.
Kali stanuć viadomyja vyniki prezidenckich vybaraŭ u ZŠA?
Na vybarčyja ŭčastki ŭ štacie Džordžyja pryjšli paviedamleńni pra miniravańnie, padazrajuć Rasiju
Na vybarach u ZŠA prahałasavaŭ sabaka FOTA
Sud u ZŠA nie staŭ zabaraniać palityčnuju łatareju Iłana Maska
U apošni dzień vybarčaj kampanii Tramp i Charys praviali mitynhi ŭ chistkich štatach
Ciapier čytajuć
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju7
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie7474
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie74
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1818
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch18
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary
I heta narmalna!!!??? Albo ja zusim ni chalery nie razumieju...