Pra zakuliśsie šou raskazaŭ adzin z udzielnikaŭ prajekta komik Dźmitryj Naryškin. U tok-šou jon hraŭ rolu kadebešnika.
Svaimi ŭražańniami Naryškin padzialiŭsia ŭ vypusku jutub-kanała «Miedyjažaba».
Pa słovach komika, prajekt «Noč z Čałym» pieršapačatkova nie imknuŭsia być tradycyjnym late-night show (viečarovym zabaŭlalnym tok-šou), niahledziačy na vonkavaje padabienstva. Jaho aŭtary chacieli ekśpierymientavać, stvarajučy hramadska-palityčnaje šou, dzie fokus źmieščany na analityku i ekśpiertyzu Siarhieja Čałaha, a nie na zabavu.
Jak uspaminaje Naryškin, «kali byŭ zapisany pieršy vypusk, mabyć, adbyŭsia niejki raśsinchron».
«Ja nie viedaju, jakim čynam u pres-reliz patrapiła słova late-night. (…) Ale ŭnutry, u kamandzie, nie vykarystoŭvałasia late-night. Usie razumieli, što late-night — heta bolš satyra, ironija, sarkazm i humar. A tut usio ž zastavalisia ŭ tym, što heta Siarhiej Viačasłavavič [Čały]. I tam unutry jość niejkija štuki. Ale nichto nie kaža, što heta humarystyčny prajekt».
Čamu zakryłasia šou
Dźmitryj Naryškin kaža, što pryčynaj spynieńnia prajekta mahła być stomlenaść Siarhieja Čałaha.
«U Siarhieja Viačasłavaviča była [prahrama] «Ekanomika» kožny tydzień, niešta jašče, i raz na dva tydni voś taki vialiki, paŭtara-dvuch-troch hadzinny prajekt, jaki my pačynali pisać za tydzień, i jon va ŭsim u hetym udzielničaŭ. Zdymki pačynajucca, u 12 dnia jon užo na placoŭcy. Hrym. Prapisali bieź ludziej. Pryjšli ludzi. Prapisalisia ź ludźmi. Usio heta prahnać. I zakančvałasia heta ŭsio ŭ 10-11 viečara, i jon stamlaŭsia, heta było vidać».
Druhoj pryčynaj zakryćcia, pavodle słoŭ Naryškina, moža być toje, što prajekt byŭ «hruvastki i vialiki».
Kolki kaštavali zdymki adnaho vypusku, komik nie nazyvaŭ. Adznačaje, što heta byŭ darahi prajekt i niekatoryja ich biudžetu zajzdrościli.
Naryškin miarkuje, što, mahčyma, «Noč z Čałym» zakryłasia nie nazaŭsiody.
«Kali my razychodzilisia, nie było skazana, što prajekt začynieny, typu, sto adsotkaŭ. Jość vierahodnaść, što, moža być, budzie druhi, vialiki siezon».
Rola piersanaža-čekista
Dźmitryj Naryškin adznačaje, što piersanaža-čekista, jakoha jon hraŭ u prajekcie, prydumaŭ režysior.
«Mnie padabaŭsia piersanaž, mnie zdajecca, jon razbaŭlaŭ, plus jašče byli refreny, adsyłki na toje, što ŭ Biełarusi adbyvajecca», — dzialicca komik i adznačaje, što ŭ jaho z režysioram była damoŭlenaść ab tym, kab pakazać raźvićcio piersanaža ŭ chodzie prajekta.
«Spačatku jon vielmi žorstki, typu za sistemu, ale z takimi, z pad***kami. Nu, heta značyć, taki, viedajecie, staroj škoły kadebešnik, jaki, zdajecca, i našym, i vašym, a nasamreč jon hulaje ŭ svaju hulniu. (…) U čaćviortym ci piatym vypusku, jon pačynaŭ užo biełaruskaj movaj karystacca. Heta taksama byli śpiecyjalnyja adsyłki, pakazvać voś hety bol pra biełarusaŭ, jakim składana pryniać, im składana niedzie zahavaryć pa-biełarusku».
Naryškin uspaminaje, što spačatku jaho piersanaž źjaŭlaŭsia tolki ŭ pieršym błoku. Paźniej było vyrašana, što jon budzie prysutničać va ŭsich troch. I dla jaho było vielmi składana ŭłavić momant, dzie možna dałučycca.
Hledačam u studyi, jakija nie chacieli pakazvać svaje tvary, vydavali maski z tvaram Siarhieja Čałaha.
Siarhieja Čałaha i žurnalistaŭ Biełaruskaha rasśledavalnickaha centra abviaścili ŭ miždziaržaŭny vyšuk
«Noč z Čałym» — jakim byŭ pieršy vypusk
«Zdaryłasia niejkaja niešarahovaja padzieja». Čały prahnazavaŭ, što Łukašenka nie pojdzie na vybary, ciapier tłumačyć, čamu ŭsio ž idzie
Komik Naryškin zapuskaje biełaruskamoŭny padkast
Ciapier čytajuć
Rasijanin z sudzimaściu zaniaŭsia dabračynnaściu ŭ Biełarusi. U niekatorych paśla dapamohi Dziadzi Jašy pačynajucca prablemy11
Kamientary