Na nastupnym tydni prahnazujuć mocny viecier i mokry śnieh. A ŭ vychodnyja nadvorje jašče pahoršaje
Sonca taksama nie pradbačycca.
Pra nadvorje na nastupnym tydni raskazaŭ sinoptyk Dźmitryj Rabaŭ na ANT.
U pačatku tydnia na nadvorje budzie ŭpłyvać atłantyčny cykłon i źviazanyja ź im atmaśfiernyja franty. Heta aznačaje, što vobłačnaść budzie vysokaj, u bolšaści rajonaŭ čakajecca doždž i mokry śnieh.
Ranicaj miescami budzie tuman, jaki pahoršyć bačnaść da 500 mietraŭ. Vilhotnaść pavietra składzie da 90%. Viecier budzie paŭdniova-zachodni, umierany.
Unačy tempieratura pavietra budzie vahacca ad -1 da +5°C. U paniadziełak udzień čakajecca da +5°C, a ŭ aŭtorak — ad +2 da +7°C.
U siaredzinie tydnia nadvorje budzie vyznačać atmaśfierny front, jaki ŭtvaryŭsia ŭ vyniku ŭpłyvu cykłona, centr jakoha znachodzicca nad krainami Bałtyi. Čakajecca vobłačnaje nadvorje, miescami projduć apadki roznaj intensiŭnaści. Viecier budzie dźmuć z zachadu, paryvy buduć mocnymi. Vilhotnaść pavietra składzie da 80%. Nočču i ranicaj mahčymyja słaby tuman i hałalod. Tempieratura pavietra ŭnačy i ranicaj budzie vahacca ad -1 da +4°C. U sieradu dniom tempieratura pavysicca da 4°C.
U pačatku druhoj pałovy tydnia čakajecca pachaładańnie.
Umovy nadvorja buduć farmavacca pad upłyvam vilhotnych i niestabilnych pavietranych mas, jakija pryjduć z paŭnočnaha zachadu Jeŭropy. Ruchajučysia praź Biełaruś, jany pryniasuć z saboj karotkačasovy śnieh i mokry śnieh.
Viecier budzie dźmuć z zachadu i paŭnočnaha zachadu, jaho chutkaść budzie ŭmieranaj. Časam viecier budzie paryvistym. Vilhotnaść pavietra składzie da 80%. Nočču tempieratura budzie vahacca ad 0 da -5°C, a ŭ dzionnyja hadziny ŭ čaćvier i piatnicu čakajecca kala 0°C.
U vychadnyja čakajecca paharšeńnie ŭmoŭ nadvorja. Budzie vobłačna. U bolšaści rehijonaŭ Biełarusi čakajucca śnieh i mokry śnieh. Viecier budzie dźmuć z paŭnočnaha zachadu, paryvisty. Nočču i ranicaj u niekatorych miescach mahčymy tuman. Vilhotnaść pavietra moža dasiahać 90%. Unačy tempieratura budzie vahacca ad -6 da 0°C, u siaredzinie dnia ŭ subotu — ad -1 da +1°C, a ŭ niadzielu — kala 0°C.
Ciapier čytajuć
U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki16
Kamientary