«Sabaku nie hładzić!» Rezidencyju Trampa pačali achoŭvać sabaki-robaty
Padčas pieradvybarčaj kampanii ŭ ZŠA na žyćcio Trampa zamachvalisia dvojčy, i mienavita paśla hetych zamachaŭ Sakretnaja słužba ŭ terminovym paradku pačała abnaŭlać technałohii achovy.
Na ŭzbrajeńni Sakretnaj słužby ZŠA źjavilisia pieršyja patrulnyja sabaki-robaty ad kampanii Boston Dynamics. Adna ź ich była zaŭvažana na terytoryi rezidencyi abranaha prezidenta Donalda Trampa Mar-a-Łaha ŭ miastečku Pałm-bič u Fłarydzie, piša VVS.
Mianuška čatyrochnohaha patrulnaha — Spot — zasnavana na hulni słoŭ: u anhlijskaj movie słova «spot» moža być jak nazoŭnikam («kropka», «plama»), tak i dziejasłovam («znachodzić», «vysočvać»).
Elektryčny sabaka moža być całkam aŭtamatyzavany, kali prakłaści jamu maršrut zahadzia, ci kiravacca dystancyjna, u ručnym režymie.
Nadpisy na kožnaj ź mietaličnych noh papiaredžvajuć: «Nie hładzić».
«Nie viedaju, u kaho moža ŭźniknuć žadańnie takoha sabaku pahładzić, — adznačaje palitołah z pryvatnaha Kaledža Mienła ŭ Kalifornii Mielisa Mičełsan. — Jon zusim nie vyhladaje miłym».
Videa, na jakim Spot patruluje terytoryju, stała chitom tyktoka, vyklikaŭšy tam nieadnaznačnuju reakcyju — kamientary karystalnikaŭ varjirujucca ŭ dyjapazonie ad «miłaha» da «žudasnaha».
Watch on TikTok
«Naš asnoŭny pryjarytet — biaśpieka abranaha prezidenta», — havorycca ŭ zajavie, atrymanaj Bi-bi-si ad kiraŭnika Sakretnaj słužby ZŠA pa suviaziach z hramadskaściu Entani Huljelmi.
Za apošnija niekalki miesiacaŭ, padčas pieradvybarnaj kampanii ŭ ZŠA, na žyćcio Trampa publična rabili zamach dvojčy.
Pieršy raz — u lipieni, na sustrečy z vybarščykami ŭ Piensilvanii; druhi — u vieraśni, na pole dla holfa ŭ Mar-a-Łaha.
Na kankretnyja pytańni Bi-bi-si ab vykarystańni miechaničnych sabak dla achovy Tramp — u tym liku ab tym, ź jakoha momantu sabaka źjaviŭsia na terytoryi pryvatnaj rezidencyi — u Sakretnaj słužbie adkazvać admovilisia, spasłaŭšysia na «kłopat ab apieratyŭnaj biaśpiecy».
U kampanii Boston Dynamics taksama tolki paćvierdzili vykarystańnie Spota Sakretnaj słužbaj, adnak na kankretnyja pytańni adkazvać admovilisia.
-
«Ščaślivaja, što advažyłasia na śvińniu, a nie naradzić druhoje dzicia». Biełaruska haduje mini-piha i nie moža naradavacca
-
Prahramistka ź Minska: Ja zarablaju 12 tysiač rubloŭ u miesiac. Pry hetym praktyčna ŭvieś chatni pobyt na mnie
-
Navukoŭcy raskryli tajamnicu rudych katoŭ, jakaja nie davała spakoju dziesiacihodździami
Ciapier čytajuć
U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj16
Kamientary