«Dažyli». U tyktoku abmiarkoŭvajuć tałony na kuplu miasa ŭ «Hipa»
Heta novaŭviadzieńnie achoplivaje ŭsio bolš supiermarkietaŭ.
Minčuk Andrej u tyktoku apublikavaŭ rolik z hipiermarkieta «Hipa», što znachodzicca ŭ Minsku na vulicy Hareckaha. Na siońnia videa maje amal 305 tysiač prahladaŭ.
U im mužčyna prakamientavaŭ abnaŭleńnie ŭ miasnym adździele — Andreja ździviła i naśmiašyła, što ciapier, kab nabyć miasa, treba brać adpaviedny tałon. Ź jaho dapamohaj u kramie rehulujuć čarhu da pryłaŭka.
ja piervyj raz eto uvidieł
U kamientarach Andrej udakładniŭ, što aŭtamat z tałonami pastavili tolki dva dni tamu (tak kažuć pradaŭcy). Inšyja kamientatary adznačyli, što ŭ šmatlikich inšych hipiermarkietach hetaj sietki miasa pa tałončykach pradajuć užo nie pieršy hod. Znajšlisia i tyja, chto bačyŭ tałony ŭ jeŭrapiejskich supiermarkietach: niechta kaža, što ideja nie apraŭdałasia, a inšym jana padabajecca — maŭlaŭ, «nie treba marnieć u čarzie i nichto napierad ciabie nie lezie».
Tałony ŭ kramie spadabalisia šmat kamu z kamientataraŭ:
«Vielmi zručna, nie treba hurtavacca ŭ pryłaŭka. Elektronnaja čarha, nichto nie dychaje ŭ patylicu».
«Heta narmalna, kab ty nie stajaŭ u čarzie, a praciahvaŭ rabić zakupy, adstaŭ ad žyćcia».
Niekatoryja, adnak, byli niepryjemna ździŭlenyja:
«Upieršyniu baču, ja ŭ šoku. U Minsku tysiačy kramaŭ, dzie miasa biez čarhi».
«Tałon na miasa? Navošta? Na kaŭbasu taksama, napeŭna, tałony buduć. Dažyli».
«Naša Niva» — bastyjon biełaruščyny
PADTRYMAĆCiapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Kamientary