Akademija navuk: My možam sprajektavać elektraruchavik nie horšy čym «Tesła», ale heta biessensoŭna
Da kanca hoda NAN abiacaje sabrać i pratestavać piać uzoraŭ pieršaha biełaruskaha lehkavoha elektramabila. Choć urad anansavaŭ jaho źjaŭleńnie da vosieni.
Batarei i prahramnaje zabieśpiačeńnie dla pieršaha biełaruskaha elektramabila raspracavali ŭ Akademii navuk. Prynamsi, tak śćviardžaje namieśnik dyrektara Abjadnanaha instytuta mašynabudavańnia NAN Biełarusi Alaksandr Bialevič.
Pry hetym lityjaijonnyja jačejki zakuplajuć u Kitai, pišuć «Minsk-Naviny».
«Siłavaja ŭstanoŭka nie tolki klučavy kampanient u sistemie elektramabila. Ad 30 da 50% koštu ŭsiaho elektramabila składaje lityjaijonnaja batareja. Kali jaje jomistaść padaje da 80 %, jana padlahaje zamienie. Ajčynnaja elektronika na batarei dazvalaje dakładna kantralavać hety paramietr. Lityjaijonnyja jačejki my zakuplajem u Kitai, a ŭsia kanstrukcyja batarei i jaje elektronika raspracavanyja nami», — śćviardžaje Bialevič.
Elektroniku ruchavikoŭ u Biełarusi stvarali hrupy na BIEŁAZie i «BKM chołdynhu», a taksama kamanda, jakaja raspracoŭvała «jo-mabil» rasijskaha biznesmiena Michaiła Procharava.
Raspracavanyja ŭ akademii soft i elektronika dazvolać kantralavać jomistaść i pracazdolnaść batarei. Adpracavanyja batarei źbirajucca ŭstaloŭvać u stacyjanarnych nazapašvalnikach elektraenierhii — pryłady, jakija kampiensujuć skački napružańnia ŭ sietcy. Ich buduć pradavać pradpryjemstvam i balnicam.
Pry hetym prajektavać elektraruchavik u Biełarusi nie źbirajucca. Choć Bialevič ličyć, što jahony instytut moža stvaryć ruchavik nie horšy, čym u «Tesły».
«My možam sprajektavać elektraruchavik nie horšy, čym u «Tesły», — pierakanany navukoviec. — Adnak za im stajać asablivyja vytvorčyja technałohii. Dla ich patrebnyja mižnarodnyja rynki sa šmatmiljonnym popytam, jakoha ŭ biełaruskich pradpryjemstvaŭ pakul niama. Tamu biessensoŭna tracicca na takija technałohii — jany nie akupiacca.
Ajčynnyja pradpryjemstvy pakul pracujuć u ramkach svaich abmiežavańniaŭ, ale imknucca adpaviadać technika-ekanamičnym pakazčykam zamiežnych uzoraŭ», — zajaviŭ Bialevič.
Uviesnu tahačasny vice-premjer Piatro Parchomčyk zajaŭlaŭ, što pieršyja ŭzory biełaruskaha elektramabila źjaviacca da vosieni, a da kanca hoda jaho zapuściać u sieryjnuju vytvorčaść. Miarkujučy pa ŭsim, terminy ŭ čarhovy raz ssunulisia.
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
Kamientary
heta vam nie toje, što
my chočam, ale nie možam