Što zapisana aficyjnaj pryčynaj śmierci adzinaha syna Jarmošynaj?
Advakat Alaksiej Jarmošyn, adziny syn byłoj staršyni Centrvybarkama Lidzii Jarmošynaj, pamior u 2017 hodzie. Jamu było 39 hadoŭ.
Alaksiej Jarmošyn pamior 10 červienia 2017 hoda. Što zdaryłasia ź im, aficyjna nie paviedamlałasia.
Niekatoryja siabry kazali pra naturalnyja pryčyny — u Jarmošyna byli vialikija prablemy sa zdaroŭjem. Inšyja namiakali na toje, što pryčynaj moh stać suicyd — jon vielmi ciažka pieražyvaŭ śmierć svajho stryječnaha brata i blizkaha siabra Vadzima Kapuścina, jaki raźbiŭsia ŭ aŭtakatastrofie za tydzień da taho. Paśla hetaha Alaksieja Jarmošyna niekalki dzion nie bačyli. Jaho pačali šukać tolki, kali jon mieŭsia sustrakacca z klijentam, ale nie pryjechaŭ.
U bazie danych pamierłych žycharoŭ Biełarusi, jakuju atrymali «Kibierpartyzany», u Alaksieja Jarmošyna pryčynaj śmierci staić zahadkavy kod R99 — «inšyja niedakładna paznačanyja i nieŭdakładnienyja pryčyny śmierci».
Raniej sudmiedekśpiertka tłumačyła ŭ kamientary «Lusterku», što taki kod — R99 — zvyčajna vykarystoŭvajuć u vypadkach, kali było praviedziena ŭskryćcio cieła, kab vyśvietlić dakładnuju pryčynu śmierci čałavieka, ale na momant uskryćcia pryčyna śmierci zastajecca dakładna nie zrazumiełaj abo vyklikaje sumnievy.
«Što mienavita jon [doktar] moža padazravać: zachvorvańnie ci hvałtoŭnuju pryčynu śmierci, — na hetym etapie nieviadoma nikomu, akramia samoha doktara», — tłumačyła sudmiedekśpiertka.
Anałahičny kod staić u paśviedčańniach ab śmierci Vitolda Ašurka i Uładzimira Makieja. I ŭ toj, i ŭ inšaj historyi ŭ hramadstva zastałosia šmat pytańniaŭ.
Apošnim miescam pracy Alaksieja Jarmošyna była Minskaja abłasnaja śpiecyjalizavanaja jurydyčnaja kansultacyja №2. A dahetul jon byŭ namieśnikam prakurora Frunzienskaha rajona Minska.
Siamji i dziaciej u Alaksieja nie było. Baćka jaho, Dźmitryj Jarmošyn, žyŭ u Kalininhradzie i adnosiny z synam amal nie padtrymlivaŭ.
«Usia maja siamja — heta moj syn», — kazała Lidzija Jarmošyna.
U DTZ zahinuŭ babrujski chakieist Vadzim Kapuścin, plamieńnik Lidzii Jarmošynaj
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni
Aficyjna paćvierdziłasia trahičnaja pryčyna śmierci chakieista Uładzimira Cypłakova
Jarmošyna: Pretendenty ŭ 2020 — vyradki. A ja ŭratavała krainu ad hramadzianskaj vajny
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary