Hałoŭčanka raskazaŭ, jakuju niezvyčajnuju pryładu dla hatavańnia ježy jon asvoiŭ
Kiraŭnik urada taksama raspavioŭ u efiry Pieršaha infarmacyjnaha, jakija stravy jon umieje hatavać.
«U nas u siamji za hetuju častku (pryhatavańnie ježy) adkazvaje, viadoma, žonka, ale časam ja rablu hryl.
A niadaŭna asvoiŭ nie vielmi tradycyjny dla nas sposab padrychtoŭki ježy — tandyr, u jakim možna zapiakać i harodninu, i miasa, i rybu», — raskazaŭ premjer.
Kiraŭnik Saŭmina taksama pryznaŭsia, što adna ź jaho lubimych straŭ — bulbianaja babka, adnak hatavać jaje jon nie vielmi lubić.
Raman Hałoŭčanka ŭžo nie ŭ pieršy raz havoryć pra hetuju lubimuju stravu z bulby. Pry hetym, pavodle jaho słoŭ, heta pavinna być sapraŭdnaja biełaruskaja babka, jakaja zapiakajecca ŭ čyhunku ŭ piečy, z hrudzinkaj i smažanaj cybulaj.
Hałoŭčanka taksama paviedamlaŭ, što na hetuju zimu jon užo nabyŭ miech bulby.
Ciapier čytajuć
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary