Pres-sakratarka Cichanoŭskaj: Ofis nie mieŭ dačynieńnia da pryznačeńnia kiraŭnictva «Biełsata»
Žurnalist Siarhiej Padsasonny, jaki ŭčora abvieściŭ, što pakidaje telekanał «Biełsat», u svajoj zajavie ŭ fejsbuku napisaŭ, što da pryznačeńnia novaj dyrektarki kanała Aliny Koŭšyk byli datyčnyja daradca i namieśnik Cichanoŭskaj.
Pres-sakratarka Śviatłany Cichanoŭskaj Hanna Krasulina siońnia zajaviła, što Ofis Cichanoŭskaj nie mieŭ dačynieńnia ni da pryznačeńnia kiraŭnikom «Biełsata» Alaksieja Dzikavickaha ŭ sakaviku 2024 hoda, ni Aliny Koŭšyk u listapadzie 2024-ha.
«Heta było rašeńnie polskaha telebačańnia, da jakoha farmalna naležyć i «Biełsat». Hetaksama my nikoli nie ŭmiešvalisia ŭ pytańni ŭnutranaj ci redakcyjnaj palityki «Biełsata», i nie kamientavali unutranyja pracesy, niezaležna ad taho, chto byŭ kiraŭnikom kanała.
Kamunikacyja pamiž Ofisam Śviatłany Cichanoŭskaj i MZS Polščy ciaham 2024 hoda viałasia pra ahulnuju padtrymku «Biełsata», zachavańnie brendu, spadarožnika, kalektyvu, i kaardynavałasia z kiraŭnictvam «Biełsata», Alaksiejem Dzikavickim u pryvatnaści.
Nieadnarazova kiraŭnictva «Biełsata» źviartałasia da Ofisu i Kabinieta z prośbaj ab padtrymcy dla «Biełsata», i pry kožnaj mahčymaści my reahavali, padymali pytańni padtrymki dla «Biełsata», jak na sustrečy z pradstaŭnkiami polskaha ŭradu, tak i parłamientu», — paviedamiła Krasulina.
Alina Koŭšyk uznačaliła kanał u śniežni. Dahetul jana była pradstaŭnicaj pa nacyjanalnym adradžeńni Abjadnanaha pierachodnaha kabinieta. Da Kabinieta Koŭšyk pracavała na «Biełsacie» 15 hadoŭ.
Ciapier čytajuć
Kiełahu pakazali kampramietujučyja videamateryjały na biełaruskuju apazicyju? Tak miarkuje Łatuška18
Kamientary
Pačytajcie Padsasonnaha post (tam naŭprostava fakty napisanyja), Koŭšyk paćviardžała što prynamsi "raiłasia" sa svajoj kiraŭnicaj, Cichanoŭskaja prama ŭdzielničała ŭ pradstaŭleńni novaj kiraŭnički Biełsatu (ad hetaha dakładna nie advierciciesia!).
Chopić ličyć ludziej za narodziec i bydłanaŭ, jak vaš pratatyp Łukašenka!