Damy jakich halivudskich zorak zhareli ŭ strašnych lasnych pažarach u Łos-Andželesie FOTY
Dom Entani Chopkinsa zhareŭ daščentu, Łedzi Haha vymušana była evakujavacca. Ale nie tolki jany. Kadry ź miescaŭ nahadvajuć filmy pra apakalipsis.
Jak paviedamlajuć ahienctvy Reuters, Al Jazeera, The Nightly i inšyja, šmatlikija amierykanskija znakamitaści paciarpieli ad strašnych pa maštabach lasnych pažaraŭ, jakija ŭspychnuli dniami ŭ Łos-Andželesie i pryharadach, zakranuŭšy bahatyja rajony.
Siarod paciarpiełych zorak, jakija byli vymušanyja evakujavacca sa svaich damoŭ, — Perys Chiłtan, Łedzi Haha, Majli Sajrus. U zonu evakuacyi taksama trapili damy Styviena Śpiłbierha, Toma Chenksa, Bredli Kupiera, Biena Afleka, Dženifier Enistan, Adama Sendlera i Uiła Śmita.
Svaje damy praz pažary całkam stracili akciory Adam Broŭdzi (zorka minułahodniaha sieryjała «Nichto hetaha nie choča») i jaho žonka Lejtan Mister, Džejms Vuds, Dajan Uoren, Džejmi Li Kiercis, Kemieran Mecisan, Mendzi Mur i inšyja. Pažar źniščyŭ i dom viadomaha akciora Entani Chopkinsa koštam 6 młn dalaraŭ.
Akramia taho, u zonu biedstva trapiŭ dom byłoj supiernicy Donalda Trampa na niadaŭnich prezidenckich vybarach u ZŠA Kamały Charys.
Zhareŭ dom syna Bajdena — Chantera Bajdena. Dom aceńvaŭsia ŭ 4,2 młn dalaraŭ. Syn amierykanskaha prezidenta sam tam nie žyŭ, a zdavaŭ nieruchomaść u arendu amal za 16 tysiač dalaraŭ u miesiac.
Prezident ZŠA Džo Bajden abviaściŭ režym maštabnaj stychijnaj biady ŭ štacie Kalifornija i zahadaŭ akazać fiederalnuju dapamohu ŭ dadatak da namahańniaŭ miascovych uładaŭ pa adnaŭleńni rajonaŭ, paciarpiełych ad lasnych pažaraŭ. Bajden taksama adkłaŭ zapłanavany vizit u Italiju, kab zasiarodzicca na akazańni dapamohi ŭ suviazi z pažarami.
Pažary, jakija nazvali najbujniejšymi ŭ historyi Kalifornii, vypalili tysiačy hiektaraŭ ziamli ŭ Łos-Andželesie i pryharadach. Piać čałaviek zahinuli, 100 tysiač čałaviek byli evakujavanyja, 1100 budynkaŭ zhareli daščentu, jašče sotni tysiač zastalisia biez elektryčnaści. Mierkavanaja škoda ad stychijnaha biedstva ŭžo aceńvajecca ŭ zvyš 50 miljardaŭ dalaraŭ.
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary
Dzieści śmiajecca Čarli Šyn, jak paśpiachovy inviestar, što svoječasova skinuŭ nieruchu-inviestycyju.