Pa prahnozach ekśpierta, u hetym hodzie žančyny abhoniać mužčyn u seksie z robatami
Da času, kali robaty stanuć zvykłaj źjavaj u seksualnaj praktycy, zastajecca para dziesiacihodździaŭ.
Futurołah, doktar fizika-matematyčnych navuk Jan Pirsan śćviardžaje, što ŭžo ŭ hetym hodzie čałaviectva pačnie ŭkaraniać pieršyja formy rabatyzavanaha seksu. I lidarami ŭ hetym buduć žančyny.
Jak piša Daily Mail, Pirsan źviartaje ŭvahu, što častkova heta moža być abumoŭlena tym, što ŭ žančyn jość adna pieravaha — užo bolš za paŭstahodździa jany vykarystoŭvajuć vibratary.
Ciapier industryja seks-cacak vypuskaje nie tolki aŭtanomnyja pryłady, ale i teledyldaničnyja, jaki dajuć mahčymaść kiravańnia na adlehłaści.
Mnohija takija cacki sinchranizujucca ź virtualnaj realnaściu, što daje mahčymaść stvarać bolš realistyčnyja i intensiŭnyja ŭražańni. Pryłady mohuć padklučacca da smartfonaŭ, kampjutaraŭ ci inšych pryład praz Wi-Fi abo Bluetooth, što daje šyroki śpiektr mahčymaściaŭ dla kiravańnia.
Heta technałohija dazvalaje nie tolki raznastaić intymnaje žyćcio, ale i padtrymlivać emacyjnuju i fizičnuju blizkaść pamiž partniorami, jakija žyvuć na adlehłaści.
Pavodle apytańniaŭ, kala 63% žančyn pryznalisia, što ŭžo vykarystoŭvajuć ci chacieli b pasprabavać seks-cacki, a 40% ličać, što virtualnaja realnaść zrobić seks cikaviejšym i pryjemniejšym.
Niahledziačy na raspaŭsiudžanaje mierkavańnie, što rynak seks-robataŭ aryjentavany na mužčyn, analityki miarkujuć, što hiendarnaja roŭnaść u hetaj śfiery moža nadyści ŭžo ŭ bližejšyja hady.
Danyja paćviardžajuć hetuju tendencyju: adno z daśledavańniaŭ haliny pakazała, što mužčyny i žančyny vykarystoŭvajuć seks-cacki amal u roŭnaj stupieni. U 2024 hodzie siarod apytanych 17,8% mužčyn i 16,5% žančyn paviedamili, što mieli taki seksualny dośvied.
Pry hetym 47% apytanych ličać, što ŭ budučyni seks-robaty zamieniać kachankaŭ, a 50,7% pryznalisia, što hatovyja pasprabavać sapraŭdnuju ramantyčnuju suviaź z seks-robatam.
Adnak, pa słovach doktara Pirsana, šyrokamu ŭkaranieńniu sapraŭdnych humanoidnych seks-robataŭ u najbližejšaj budučyni budzie pieraškadžać ich vysokaja cana. Siaredni košt seks-robata ŭ 2022 hodzie składaŭ kala 3600 dołaraŭ ZŠA.
Siońnia heta nievialiki rynak. Daśledavańni 2024 hoda pakazali, što ŭ śviecie, jaki naličvaje miljardy ludziej, u štohod pradajecca kala 57 tysiač seks-robataŭ, a industryja aceńvajecca ŭ 201 miljon dołaraŭ u hod, što składaje ŭsiaho 0,5% ad ahulnaha rynku seks-cacak.
Pirsan pradkazvaje, što da 2030 hoda bolšaść ludziej budzie praktykavać «virtualny seks». Pry hetym mnohija buduć vykarystoŭvać tolki virtualnuju realnaść biez pryciahnieńnia dadatkovych pryład, takich jak seks-cacki.
Da 2035 hoda seks-cacki buduć značna ŭdaskanalenyja i stanuć bolš intehravanymi ź virtualnaj realnaściu. Pa jahonych prahnozach, dla mnohich stanie zvykłym vykarystańnie virtualnaha seksu i kalekcyi pryład, jakija ŭzajemadziejničajuć ź virtualnaj realnaściu, stvarajučy bolš realistyčnyja i piersanalizavanyja pieražyvańni.
Pirsan pryznaje, što mnohija ludzi buduć praciahvać adčuvać sumnievy i dyskamfort nakont seksu z robatami. Adnak jon ličyć, što da 2050 hoda hetaje adčuvańnie «hidlivaści» pastupova źniknie.
Futurołah ličyć, što klučavyja technałahičnyja dasiahnieńni na praciahu bližejšych dziesiacihodździaŭ dapamohuć ludziam pryvyknuć da seks-robataŭ. Heta stanie mahčymym dziakujučy ŭdaskanaleńniu štučnaha intelektu, miechaničnych pavodzin i taktylnych adčuvańniaŭ robataŭ, a taksama ich zdolnaści ŭstaloŭvać tryvałyja emacyjnyja suviazi, pieratvarajučysia ŭ siabroŭ i partnioraŭ.
Ciapier čytajuć
Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški14
Kamientary