Rabotnika Mazyrskaha NPZ, jakoha žorstka zatrymlivaŭ minski HUBAZIK, sudziać pa dźviuch kryminałkach
62-hadovamu Iharu Šukanavu inkryminujuć udzieł u pratestach i paklop na Łukašenku.
26 lutaha ŭ Mazyrskim rajonnym sudzie pačynajecca zakryty praces nad 62-hadovym supracoŭnikam łabaratoryi infarmatyki i suviazi Mazyrskaha naftapierapracoŭčaha zavoda Iharam Šukanavym. Jaho abvinavačvajuć pa dvuch artykułach.
Za «paklop» na Łukašenku (č. 2 art. 367 KK), źviazany z abvinavačvańniem u ździajśnieńni ciažkaha ci asablivaha ciažkaha złačynstva, jamu pahražaje ad chimii na paŭhoda ža kałonii na 6 hadoŭ.
Za ŭdzieł u pratestach (č.1 art. 342 KK) Šukanavu pahražaje ad aryštu da 4 hadoŭ kałonii.
Ihara Šukanava pakazalna žorstka zatrymlivali 1 žniŭnia 2024 hoda. Pa jaho ź Minska pryjechali hubazikaŭcy. Jaho zatrymali prosta na pracoŭnym miescy. Zatym zavodskim aŭtamabilem «UAZ-Patriot» vyvieźli za prachadnuju zavoda.
Niedaloka ad aŭtobusnaha prypynku, na parkoŭcy kala hałoŭnaj prachadnoj zavoda, dzie ŭ toj čas byli ludzi, hubazikaŭcy zładzili pakazalnaje źbićcio Šukanava — vyciahnuli z UAZa, kinuli tvaram na asfalt i, nacisnuŭšy kalenam na hałavu, nadzieli kajdanki.
Admietna, što ranicaj taho dnia rabotnika NPZ sudzili pa administratyŭnym artykule za raspaŭsiud «ekstremizmu». Jamu dali štraf i vyzvalili — kab praź niekalki hadzin aryštavać.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary