Navuka i technałohii66

Microsoft zajaŭlaje ab praryvie ŭ kvantavych technałohijach: novy stan materyi

Microsoft śćviardžaje, što joj udałosia vykarystać novy stan materyi dla stvareńnia asnoŭnych budaŭničych błokaŭ kvantavaha kampjutara. Tłumačym, u čym sutnaść adkryćcia.

Majorana 1
Majorana 1 — pieršy ŭ śviecie kvantavy čyp, zasnavany na novaj architektury tapałahičnaha jadra (Topological Core). Fota:microsoft.com

Kvantavyja kampjutary razhladajucca jak budučynia vyličalnych technałohij, bo zdolnyja vykonvać zvyšskładanyja raźliki, ź jakimi tradycyjnyja kampjutary nie spraviacca navat za tysiačy hadoŭ. Ale ich stvareńnie dahetul sutykajecca z surjoznymi pieraškodami.

Asnoŭnaja ź ich — niestabilnaść kubitaŭ (kvantavyja bity ŭžyvajucca ŭ kvantavych kamputarach zamiest ličbavych nuloŭ i adzinak). Jany hublajuć infarmacyju praz doli siekundy, tamu dla pracy kvantavaha kampjutara treba vykarystoŭvać vialikuju kolkaść reziervovych kubitaŭ dla karekcyi pamyłak. U ciapierašnich sistemach na kožny pracoŭny kubit patrabujecca da tysiačy dapamožnych. Heta robić technałohiju darahoj i składanaj u realizacyi.

Kampanija Microsoft zajaviła, što znajšła šlach da pieraadoleńnia hetaj prablemy. Jaje daśledčykam spatrebiłasia 20 hadoŭ, kab asvoić novy stan materyi, jaki dazvolić stvaryć bazavyja błoki kvantavaha kampjutara i pradstavić jaho pracazdolny varyjant da 2030 hoda.

U čym sutnaść adkryćcia?

Microsoft śćviardžaje, što jaje praryŭ u kvantavych technałohijach staŭ vynikam šmathadovych daśledavańniaŭ asablivaha typu čaścic, jakija, pavodle navukovych hipotez, ujaŭlajuć saboj čaćviorty stan materyi, adrozny ad ćviordaha, vadkaha i hazapadobnaha.

Zajaŭleny praryŭ zasnavany na vykarystańni majiaranaŭskich fiermijonaŭ — čaścic, isnavańnie jakich było hipatetyčna abhruntavana jašče ŭ 1937 hodzie. Z taho času vučonyja imknulisia dakazać, što hetyja čaścicy sapraŭdy isnujuć.

Majiaranaŭskija fiermijony — unikalnyja, bo jany adnačasova i čaścicy, i antyčaścicy. Ideja zaklučajecca ŭ tym, što kali vykarystoŭvać ich dla kvantavych vyličeńniaŭ, infarmacyja nie budzie zhublenaja navat pry častkovych zbojach, bo jana raźmierkavana pa ŭsioj struktury kubita.

Hetaja ŭłaścivaść robić majiaranaŭskija fiermijony idealnymi kandydatami dla stvareńnia tapałahičnych kubitaŭ — typu kubitaŭ, jakija bolš ustojlivyja da pamyłak u paraŭnańni z tradycyjnymi. U adroźnieńnie ad zvyčajnych kubitaŭ, jakija mohuć stračvać svaju kvantavuju supierpazicyju pad uździejańniem źniešnich faktaraŭ, tapałahičnyja kubity zachoŭvajuć infarmacyju daŭžej dziakujučy asablivym uzajemadziejańniam pamiž majiaranaŭskimi fiermijonami.

Kali hetuju technałohiju ŭdasca maštabavać, kvantavyja kampjutary stanuć značna bolš nadziejnymi i efiektyŭnymi. Pavodle acenak Microsoft, dla karekcyi pamyłak u takoj sistemie spatrebicca ŭ 10 razoŭ mienš dapamožnych kubitaŭ, čym u sučasnych kvantavych mašynach. Heta aznačaje mienšyja vydatki na stvareńnie kvantavych kampjutaraŭ i ich bolš chutki vychad na praktyčnaje prymianieńnie.

Što ŭžo zrabiła Microsoft?

Kampanija Microsoft zajaviła, što stvaryła pracesarny čyp Majorana 1 — pieršy ŭ śviecie čyp, jaki zasnavany na novaj architektury tapałahičnaha jadra (Topological Core). U jaho ciapierašniaj viersii źmiaščajecca 8 kubitaŭ, što źjaŭlajecca pačatkovym etapam technałohii. Adnak u pierśpiektyvie Microsoft płanuje značna pavialičyć ščylnaść kubitaŭ i źmiaścić da 1 miljona kubitaŭ na adzin čyp.

Pieršaje ŭ śviecie tapałahičnaje jadro, jakoje lažyć u asnovie Majorana 1, pieršapačatkova sprajektavana tak, kab być ustojlivym da pamyłak na ŭzroŭni aparatnaha zabieśpiačeńnia, što robić jaho bolš stabilnym.

Raźvićciom hetaj technałohii ŭžo zacikaviłasia Ahienctva pieradavych abaronnych daśledčych prajektaŭ (DARPA), jakoje vybrała Microsoft dla ŭdziełu ŭ prahramie raspracoŭki bujnamaštabnaha kvantavaha kampjutara.

Kamientary6

  • Baradzied
    20.02.2025
    Eto vam nie intiehrał s jeho płatami dla kryłatych rakiet.
  • kaardynaty
    21.02.2025
    Łakšyna na vušach, a kibiernetyka ŭvohule nie navuka!
  • Mark
    21.02.2025
    Eto jerunda. Nikakich kvantovych komṕjutierov nie možiet byť po opriedieleniju. Točnosť iźmierienija sostojanija sistiemy v kvantovych vyčiślitielach dołžna byť vysočajšiej, čto dažie pri -273 S praktičieski nievozmožno.

    Vsie istorii o razrabotkach v śfierie kvantovych informacionnych sistiem - naukoobrazije, hraničaŝieje s šarłatanstvom.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ2

Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ

Usie naviny →
Usie naviny

Piatruchin nie zdajecca: choča, kab KR zasłuchała 17-hadovaha «startapiera». Ale bieź jaho baćkoŭ hetaha rabić nielha18

Što apranać u samalot, a što — ni ŭ jakim razie: parady ściuardesy5

«Rak prosta zdarajecca. Nichto ŭ im nie vinavaty»23

Navukoŭcy Akademii navuk nazvali spraviadlivuju canu na biełaruskuju bulbu9

U Vjetnamie karalevu pryhažości aryštavali za padman z cukierkami

Pad Minskam źjavicca novaja daroha. Jaje košt aceńvajecca ŭ miljon dołaraŭ2

Vieteranu z Hrodna 97 hadoŭ — u 1945-m achoŭvaŭ most pad Nižnim Noŭharadam, a paśla vajny zmahaŭsia z «banderaŭcami»26

Anarchistu ŭ Rasii dali 16 hadoŭ za padpał vajenkamata. Jon źbieh u Biškiek, jaho złavili i departavali

Brusel płanuje skaracić dyppiersanał u Biełarusi11

bolš čytanych navin
bolš łajkanych navin

Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ2

Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić