Ministerstva adukacyi paviedamlaje pra ŭviadzieńnie papiaredniaha elektronnaha zapisu na apastyl. Stary režym taksama zachavajecca, ale tolki na miesiac.
Z 3 sakavika ŭvodzicca elektronny papiaredni zapis dla padačy dakumientaŭ na prastaŭleńnie apastylu na aficyjnych dakumientaŭ z ustanoŭ adukacyi, paviedamlaje Blizko.by.
Zapis budzie ažyćciaŭlacca na sajcie Ministerstva adukacyi. Adnak asobnaja staronka dla hetaha pakul što adsutničaje.
Dla zapisu treba budzie ŭkazać vid dakumienta i jaho numar; vybrać datu i čas vizitu z dastupnych varyjantaŭ u adpaviednaści z hrafikam pryjomu dakumientaŭ.
Pa elektronnym zapisie dakumienty prymajucca tolki ad uładalnika i tolki tyja dakumienty, jakija byli paznačanyja ŭ formie zapisu.
Niesupadzieńnie numara dakumienta ŭ formie zapisu i dakumienta, padadzienaha na apastyl, pryviadzie da admovy ŭ pryjomie.
Stary farmat zapisu dziejničaje da 31 sakavika
Da 31 sakavika ŭklučna papiaredni zapis na apastyl zachavajecca i ŭ raniejšym farmacie — na bazie Departamienta ŭ vyznačanyja dni i hadziny.
Zapis pa telefonie abo elektronnaj pošcie nie ažyćciaŭlajecca.
Pa pytańniach uviadzieńnia elektronnaha zapisu z 26 lutaha pa 7 sakavika budzie pracavać haračaja linija z 11:00 da 13:00 pa telefonie +375 (17) 320-08-24.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary