Ryžankoŭ zaprasiŭ u Biełaruś Viarchoŭnaha kamisara AAN pa pravach čałavieka. Ofis Cichanoŭskaj zaklikaje jaho jechać
Ministr zamiežnych spraŭ Biełarusi Maksim Ryžankoŭ zaprasiŭ u krainu Viarchoŭnaha kamisara AAN pa pravach čałavieka Folkera Ciurka. Paviedamleńnie ab hetym źjaviłasia na sajcie MZS Biełarusi.
Ryžankoŭ sustreŭ Ciurka padčas svajho vizitu ŭ Ženievu na kanfierencyi AAN pa razzbrajeńniu. Tam u ich zaviazałasia razmova pra pravy čałavieka ŭ śviecie.
Na hetym Ryžankoŭ prapanavaŭ kamisaru AAN pryjechać u Biełaruś, kab «asabista aznajomicca z realnaj situacyjaj z pravami čałavieka ŭ krainie».
Daradca Śviatłany Cichanoŭskaj Franak Viačorka napisaŭ post, u jakim padtrymaŭ mahčymy vizit Folkera ŭ Biełaruś. Ale ź niekalkimi ŭmovami: naviedać turmy i kałonii, sustrecca z tymi, chto inkamunikada, i svajakami palitviaźniaŭ, vyzvalić ludziej z humanitarnaha śpisu i dać palitviaźniam dostup da miedycyny i advakataŭ.
«Heta vydatnaja mahčymaść pradstaŭniku AAN nie prosta acanić situacyju, a zadać pytańni pradstaŭnikam režymu naŭprost. A dla režymu — heta vydatnaja mahčymaść zrabić «žest dobraj voli»: spynić biesčałaviečnaje abychodžańnie z palitviaźniami i vyzvalić ludziej, chacia b tych, chto ŭ ciažkim stanie», — napisaŭ Viačorka.
24 lutaha Ryžankoŭ adpraviŭsia ŭ Šviejcaryju dla ŭdziełu ŭ siehmientach vysokaha ŭzroŭniu siesii Savieta AAN pa pravach čałavieka i kanfierencyi pa razzbrajeńni. Tam ža, na fonie represij u Biełarusi, jon sustreŭsia z pradstaŭnikami Vatykanu — jany abmierkavali «pytańni dvuchbakovaha supracoŭnictva».
-
«Miakka kažučy, mianie tresła». Biełaruska atrymała rachunki na 40 tysiač jeŭra za čatyry dni ŭ šviejcarskaj balnicy
-
«Atrymlivajem abryŭki infarmacyi, u nas niama suviazi». Siastra Maryi Kaleśnikavaj raskazała apošnija naviny pra jaje
-
Vatykan zaprasiŭ Śviatłanu Cichanoŭskuju na pachavańnie Papy Franciška
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1212
Kamientary