Makron sustreniecca z Šolcam i Miercam dla abmierkavańnia jeŭrapiejskaj biaśpieki
Prezident Francyi choča pryciahnuć Hiermaniju ŭ svaju «kaalicyju achvotnych» dla padtrymki Ukrainy. Hetuju kaalicyju jon razam z brytanskim premjer-ministram Kiram Starmieram farmiruje ŭžo niekalki tydniaŭ, piša Bild.
Makron i kandydat u kanclery Frydrych Mierc sustrenucca za viačeraj u Bierlinie. Hałoŭnymi temami pieramoŭ stanuć telefonnaja razmova Pucina i Trampa, a taksama pytańnie biaśpieki Jeŭropy biez udziełu ZŠA. U vyniku havorka idzie pra vajnu i mir, a taksama miljardy jeŭra hrošaj padatkapłacielščykaŭ.
Nie vyklučana, što Makron i Mierc abmiarkujuć ideju raźmiaščeńnia francuzskaj jadziernaj zbroi ŭ Hiermanii i inšych krainach ES.
«Ja chaču vieryć, što ZŠA zastanucca na našym baku. Ale my pavinny być hatovyja da taho, što hetaha moža nie adbycca», — adznačyŭ Makron.
Krytyki hetaj inicyjatyvy miarkujuć, što Francyja choča madernizavać svoj jadzierny arsienał za čužyja hrošy, nie budučy hatovaj raździalić prava pryniaćcia rašeńniaŭ pa jaho vykarystańni.
Mierc adkryty da prapanovy ab jadziernym ščycie. Kandydat u kanclery zajaviŭ Bild, što zaraz «jak nikoli» ŭ intaresach Hiermanii vieści hetuju dyskusiju biez tabu: «Uličvajučy situacyju, što skłałasia, nam nieabchodna abmierkavać hetyja pytańni nie tolki z Francyjaj, ale i ź Vialikabrytanijaj. Razam z ZŠA nam patrebny sumiesny jadzierny ščyt abarony dla Jeŭropy».
Dziejny kancler Ołaf Šolc, naadvarot, ličyć, što amierykanskaja jadziernaja zbroja ŭ Hiermanii niezamienaja i nie choča, kab Tramp naohuł zadumaŭsia pra jaje vyvad.
Taksama budzie abmiarkoŭvacca «Biełaja kniha» ab budučyni jeŭrapiejskaj abarony, jakuju rychtuje Jeŭrakamisija. Viadoma, što jana ŭklučaje prapanovy pa stvareńni sumiesnych sistem SPA.
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary