67-hadovaha rasijskaha dysidenta Alaksandra Skobava pryhavaryli da 16 hadoŭ kałonii
U krasaviku minułaha hoda jaho aryštavali pa abvinavačańni ŭ «apraŭdańni teraryzmu» praz udzieł u «Forumie svabodnaj Rasii». Jon atrymaŭ na 10 hadoŭ bolej, čym u SSSR.
67-hadovaha rasijskaha dysidenta Alaksandra Skobava pryhavaryli da 16 hadoŭ kałonii. Sud pryznaŭ jaho vinavatym pa artykułach ab «apraŭdańni teraryzmu» i «ŭdziele ŭ terarystyčnaj supolnaści». Akramia taho, dysidentu pryznačyli štraf u pamiery 300 tysiač rasijskich rubloŭ, paviedamlaje «Novaja hazieta. Jeŭropa».
Padčas sudovych sprečak prakuratura patrabavała pakarać Skobava 18 hadami pazbaŭleńnia voli.
Skobaŭ viadomy jak saviecki dysident. Jon vydavaŭ antyŭradavy časopis, u 1970-ch jaho abvinavačvali ŭ «antysavieckaj ahitacyi» i dvojčy prymusova nakiroŭvali na psichijatryčnaje lačeńnie.
Padčas Pieršaj čačenskaj vajny byŭ aktyŭnym udzielnikam antyvajennaha ruchu. U 2000-ch uvachodziŭ u partyju «Jabłoko».
Publicyst adkryta krytykavaŭ režym Pucina i vystupaŭ suprać vajny va Ukrainie. Miniust RF abviaściŭ Skobava «zamiežnym ahientam».
U krasaviku minułaha hoda jaho aryštavali pa abvinavačańni ŭ «apraŭdańni teraryzmu» praz udzieł u «Forumie svabodnaj Rasii». Taksama suprać jaho skłali pratakoł za ŭdzieł u dziejnaści «niežadanaj arhanizacyi» — taksama praz forum.
U SIZA ŭ 67-hadovaha Skobava abvastrylisia chraničnyja zachvorvańni i mocna pahoršyŭsia zrok.
Kamientary