Błohieru Mełstroju adpravili pozvu na dopyt u pasolstva Rasii ŭ Čarnahoryi
MUS Rasii źviazałasia z čarnahorskimi ŭładami praz dypłamataŭ i nakiravała homielskamu skandalnamu błohieru Andreju Burymu pad mianuškaj Mellstroy apaviaščeńnie ab vykliku ŭ orhany ŭ najbližejšyja dni. Śledstva, akramia padatkaŭ, zacikaviłasia i źbićciom dziaŭčyny na strymie ŭ 2020 hodzie, piša Mash.
Tady ŭ paciarpiełaj Aleny Jafremavaj dyjahnastavali zakrytuju čerapna-mazhavuju traŭmu, strasieńnie mozhu i ŭdary. Vierahodna, Mełstroj nie naviedvaŭ papraŭčyja raboty na praciahu šaści miesiacaŭ-ich sud pryznačyŭ za paboi (116 KK RF).
Bratu i maci Mełstroja taksama pryjšli papiery — ich čakajuć u pasolstvie na nastupnym tydni. Jany prachodziać śviedkami pa spravie ab admyvańni i lehalizacyi hrošaj.
Homielski błohier Mellstroy atrymaŭ skandalnuju viadomaść u 2020 hodzie, kali padčas adnaho z svaich strymaŭ źbiŭ dziaŭčynu. Paśla hetaha na Buryma była zaviedziena kryminalnaja sprava. U vyniku jon atrymaŭ paŭhoda vypraŭlenčych rabot i štraf.
Mellstroy u cełym rehularna traplaje ŭ skandalnyja naviny, dajučy svaim hledačam varjackija zadańni i abiacajučy ščodryja vypłaty za ich vykanańnie. Tym nie mienš, hetyja abiacańni nie zaŭsiody vykonvajucca.
Tak, litoŭski chłopčyk, jaki z humaram paprasiŭ prezidenta svajoj krainy Hitanasa Naŭsiedu pieradać pryvitańnie Mellstroy, z dvuch miljonaŭ dołaraŭ, jakija byli abiacany za heta, zmoža atrymać, dobra kali, «tolki» 100 tysiač. Inšamu čałavieku było admoŭlena ŭ vypłatach miljarda rasijskich rubloŭ (kala 11 miljonaŭ dalaraŭ) za raźmiaščeńnie nika Mellstroy na Miesiacy.
1 červienia na finale Lihi čempijonaŭ pa futbole ŭ Łondanie na pole vybieh 16-hadovy padletak u futbołcy z łahatypam Mellstroy. Na sudzie jon patłumačyŭ, što błohier abiacaŭ jamu 385 tysiač dalaraŭ. U vyniku padletka asudzili da ŭmoŭnaha terminu na šeść miesiacaŭ i abaviazali apłacić układ na pakryćcio sudovych raschodaŭ.
Bolš padrabiazna pra Andreja Buryma hladzicie ŭ videa.
-
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi
-
«Lepš być zastrelenaj u śpinu, čym hadami tak siadzieć». Biełaruska raskazała pra ŭmovy ŭ izalatary paśla zatrymańnia na miažy
-
«Za takija hrošy chaj sami nosiać». Biełarusy aburajucca cenami na vyšyvanki ŭ barysaŭskim univiermahu
Ciapier čytajuć
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi3
Kamientary