Kamin pasiarod haścinaj, basiejn, stylistyka šale — sapraŭdny chatni raj.
Dom raźmieščany niedaloka ad Nacyjanalnaj biblijateki na vulicy Hlebava. Dom acenieny ŭ rekordnyja $3,3 miljona, piša Onliner.by.
Budynak staić na skryžavańni vulic Jaźminavaj i Hlebava. Heta častka nievialikaha kłastaru elitnaj zabudovy ŭ miežach stalicy: z adnaho boku — les, z druhoha — Ślapianskaja vodnaja sistema. Udalečyni vidać šmatpaviarchoviki na vulicy Skaryny, ałmaz biblijateki i «Majak Minska». Ale tut — cišynia i spakoj.
Dom uźviedzieny ŭ 2018 hodzie. Jon adnapaviarchovy, ale prastorny — ahulnaja płošča składaje 524 kv.m. U im raźmiaścilisia piać pakojaŭ i dadatkovyja pamiaškańni.
«Prastora haścinaj stvorana dla maksimalnaha kamfortu i adpačynku. Pad vysokimi stolami, napoŭnienymi naturalnym śviatłom, lohka rassłabicca, nazirajučy za žyvym połymiem u kaminie», — apisvaje ryełtar.
Asobnaja spa-zona składajecca ź vialikaha basiejna, saŭny i pakoja adpačynku ź piečkaj.
Ciapier čytajuć
Stała viadoma, što ciapier adbyvajecca z palitviaźniem Jurasiom Ziankovičam, jakoha vyzvalili pa prośbie ZŠA8
Kamientary