Kolki Iryna Abielskaja zarablaje na pasadzie kiraŭnicy «lečkamisii»
Iryna Abielskaja, maci Mikałaja Łukašenki, užo 16 hod kiruje Respublikanskim kliničnym miedyčnym centram, jaki znachodzicca ŭ viedańni Upraŭleńnia spraŭ Łukašenki. U narodzie hetaja klinika viadomaja jak «lečkamisija». «Biuro» vyśvietliła, jakuju zarabotnuju płatu Irynie Abielskaj naličvajuć u klinicy dla biełaruskaj «elity».
U 2022 hodzie jejnaja naličanaja zarpłata, ź jakoj vypłačvalisia padatki i ŭznosy, płanamierna rasła ad 4,7 da 8,2 tysiačy biełaruskich rubloŭ. U 2023 i 2024 hadach tendencyja da rostu zarobku ŭ mamy Mikałaja zachavałasia.
Abjom staŭki hałoŭnaha doktara ŭ 2024 hodzie dasiahnuŭ 11,7 tysiačy biełaruskich rubloŭ.
Pradstaŭnik «Biełych chałataŭ» tłumačyć, što pavodle statusu hetaja ŭstanova pryraŭnoŭvajecca da respublikanskaha navukova-praktyčnaha centra (RNPC). Ale takoj ustanovy, jak klinika, jakoj kiruje Abielskaja, isnavać nie pavinna.
«RNPC — heta apošni, samy vysoki ŭzrovień [u sistemie akazańnia mieddapamohi]: u hetaj ustanovie pavinny kancentravacca samyja pieradavyja technałohii, samyja kvalifikavanyja ludzi, i ŭ adroźnieńnie ad zvyčajnaj lakarni jany nacelenyja na toje, kab zmahacca z najbolš składanymi vypadkami.
Pa takim pryncypie arhanizavanyja ŭsie RNPC, akramia adnaho — Upraŭleńnia spraŭ [Łukašenki]. Hetaja arhanizacyja stvoranaja nie dla taho, kab zajmacca prablemami niejkaj kankretnaj haliny ŭ achovie zdaroŭja i ŭ miedycynie, a dla čynoŭnikaŭ. Pa sutnaści, jana źjaŭlajecca šmatprofilnaj ustanovaj, jakaja vykonvaje funkcyju i palikliniki, i stacyjanara dla peŭnaj katehoryi hramadzian. RNPC pabudavany na hrošy padatkapłacielščykaŭ. Tamu sam fakt isnavańnia takoj ustanovy vyklikaje pytańni», — prakamientavaŭ «Biuro» miedyjaprajekt «Biełyja chałaty».
Ciapier čytajuć
Nasta Bazar pastupiła na prahramu Kalinoŭskaha i choča stać sacyjałahiniaj: «Vučoba paśla 40 hadoŭ — svojeasablivy eliksir maładości»59
Kamientary