ZŠA i Kitaj ciapier viaduć dobryja pieramovy, zajaviŭ prezident ZŠA Donald Tramp.
«Darečy, u nas iduć dobryja pieramovy z Kitajem», — cytuje Donalda Trampa Reuters. Pavodle jaho słoŭ, pieramovy «sapraŭdy vielmi dobryja».
Raniej stała viadoma, što Kitaj paśla ŭviadzieńnia 10 lutaha 15% taryfu na pastaŭku zvadkavanaha pryrodnaha hazu z ZŠA pierastaŭ jaho kuplać u hetaj krainie.
Nijakich pastavak ZPH z ZŠA nie nazirajecca ŭžo bolš za 10 tydniaŭ, paviedamlaje Financial Times sa spasyłkaj na źviestki ab pieramiaščeńni sudoŭ. Paśla taho, jak tankier, jaki vyjšaŭ z amierykanskaha Korpus-Kryści, dastaviŭ ZPH u pravincyju Fucziań 6 lutaha, nivodnaje inšaje sudna nie pryjšło ŭ Kitaj z hruzam zvadkavanaha paliva. Adzin tankier byŭ pieranakiravany ŭ Banhładeš, bo nie paśpieŭ prybyć da ŭviadzieńnia Kitajem 15%-ch pošlin na amierykanski ZPH 10 lutaha (u adkaz na pieršyja taryfy Trampa suprać Kitaja).
Zrešty, jak paviedamlaje The New York Times, danyja mytnaj słužby Kitaja śviedčać pra toje, što kitajski impart ZPH z ZŠA źmianšaŭsia i ŭ minułym hodzie, upaŭšy da nizkaha ŭzroŭniu ŭ pieryjad ź listapada da studzienia. Adnačasova Kitaj pašyryŭ zakupki ŭ Rasii, jakaja letaś pastaviła ŭ krainu ŭ čatyry razy bolš zvadkavanaha hazu, čym Złučanyja Štaty.
Tramp: ZŠA admoviacca ad udziełu ŭ pieramovach, kali Rasija ci Ukraina sarvuć ździełku
«Dostup da rynku pieratvarajecca ŭ zbroju». Si farmiruje novy azijacki aljans suprać ZŠA
U svaim «mirnym płanie» ZŠA prapanujuć asłabić sankcyi suprać Rasii i pakinuć akupavanyja terytoryi Maskvie
Dziaržsakratar ZŠA: Kali zaviaršyć vajnu va Ukrainie niemahčyma, nam treba ruchacca dalej
Tramp ciopła pryniaŭ premjera Italii Miełoni. Skazaŭ, što nie vinavacić Zialenskaha ŭ vajnie va Ukrainie
Ciapier čytajuć
Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY8
Kamientary