Siezon fantanaŭ u stalicy startuje 25 krasavika.
Jak paviedamili Minsk-navinam u Minskzielanbudzie, tradycyjna siezon fantanaŭ u stalicy adkryvajecca ŭ apošniuju piatnicu krasavika i doŭžycca da apošniaj piatnicy vieraśnia. Na bałansie pradpryjemstva znachodziacca 39 fantanaŭ.
Režym pracy bolšaści fantanaŭ: z 11:00 da 21:00.
Ale jość i vyklučeńni: «Śvisłač» na race ŭ parku imia Ja. Kupały — pracuje z 16:00 da 23:00 štodnia. «Moładzievy» (pierakryžavańnie vuł. Pulichava i Pieršamajskaj) — da 22:30, pa subotach i niadzielach uklučajecca ŭžo a 10:00. «Žaśminavy» (vuł. Žaśminavaja) — pracuje da 22:00. «Šyrma» (vuł. F. Skaryny) — zaviaršaje pracu raniej za ŭsich — a 18:00.
«Minskzielanbud» papiaredžvaje: pry asablivych umovach nadvorja fantany mohuć być adklučanyja. Da takich umoŭ adnosiacca: doždž bolš za 5 mm/hadzinu, tempieratura pavietra nižej za +10 °C, paryvy vietru bolš za 10 m/s.
Uličvajučy prahnoz na rezkaje pachaładańnie z 26 krasavika, na doŭhija vychodnyja haradskija fantany mohuć uziać «paŭzu».
Kamientary