Dyrektar sietki dziaržaŭnych kinateatraŭ raskazaŭ, čamu pryvatniki zabirajuć hledača
Hienieralny dyrektar «Kinavideaprakatu» Minharvykankama Uładzimir Karačeŭski raskazaŭ jak dziaržaŭnyja kinateatry kankurujuć z pryvatnymi.
Uładzimir Karačeŭski zhadvaje, što da 2012 hoda «Kinavideaprakat» byŭ manapalistam u Minsku. Usie kinateatry, jakija ŭvachodzili ŭ jaho strukturu, adnačasova mahli absłužyć kala 8 tysiač hledačoŭ. Adnak situacyja źmianiłasia sa źjaŭleńniem handlova-zabaŭlalnych centraŭ, dzie adkrylisia pryvatnyja kinazały. Ciapier u Minsku ich 48, kolkaść miescaŭ amal paraŭnalnaja ź dziaržaŭnaj sietkaj, u jakoj ciapier 31 kinazał i 6750 miescaŭ.
«Miescy padvyšanaj kamfortnaści, inšaja prachodnaść. Znachodziacca ŭ handlovych centrach. Tamu jany zabirajuć u nas hledača», — kaža pra pryvatnyja kinateatry čynoŭnik u intervju BT.
Jak tłumačyć Karačeŭski, u adroźnieńni ad pryvatnika, jaki tolki aranduje płoščy, biznes-madel dziaržaŭnaha kinateatra značna daražejšaja:
«Kali brać pa biznesu, to absłužyć adno arandavanaje pamiaškańnie, dzie ŭ ciabie tolki čystaja kvadratura, dzie nie treba adkazvać ni za dach, ni za terytoryju, peŭnuju kolkaść štata… U ciabie krychu inšyja vydatki, čym kali ŭ ciabie asobny budynak, dzie sietki, kamunikacyi, kamunałka, absłuhoŭvańnie terytoryi. Heta našmat daražej usio abychodzicca».
Papkorn i kańjak
Pa słovach Karačeŭskaha, jak tolki jon uznačaliŭ «Kinavideaprakat», pačaŭ vyvučać pytańnie arhanizacyi charčavańnia ŭ kinateatrach.
«My pierahledzieli šerah pazicyj. U nas źjaviłasia i liniejka kaktejlaŭ novych i liniejka napojaŭ. Razhladajem, dzie jakija napoi na jakoj terytoryi lepš raźmiaścić. Naprykład, u adnych miescach dobra iduć chot-dohi, u inšych miescach chot-dohi nielha stavić. U adnych miescach treba stavić piva, i jano budzie dobra spažyvacca, u inšych treba stavić darahoje vino i kańjaki. (…) Źjavilisia ŭ nas kitajskija, indyjskija i inšyja azijackija fast-fudy, i inšyja zakuski, prykuski i da taho padobnaje.
U kinateatry «Pieramoha» ŭ nas pačaŭ pracavać haračy cech, dzie my častujem dranikami, dzie ŭ nas jość i haračyja stravy. I liniejka papkorna. My ciapier pačali vyrablać svaju i napaŭniajem užo svaim papkornam kinateatry».
U «Pieramozie» taksama pa prykładzie pryvatnikaŭ zapracavała hastrazała. Adnak dla takoj pasłuhi, adznačaje čynoŭnik, kinazały pavinny być prystasavanyja. Tamu jaje nie ŭsiudy možna realizavać.
U madernizavanym kinateatra «Maskva» stvaryli kavorkinh-prastoru, abstalavali miescy dla zaradki telefonaŭ.
«Taksama ciapier adkryty vialiki bar. I akramia taho płanujecca jašče arhanizacyja handlovych kropak na terytoryi kinateatra», — adznačaje Karačeŭski.
Istotnyja źmieny adbylisia i ŭ kinateatry «Pieramoha»:
«Kinateatr staŭ šmatfunkcyjanalnym. U hetym kinateatry pakazvajuć nie tolki kino, pravodziać mierapryjemstvy, robiać prezientacyi, pravodziać furšety, pres-kanfierencyi, arhanizoŭvajuć vystavy, pracujuć bary. (…)
Źjavilisia zały na 12, 24, 48 miescaŭ, dziciačyja zały. Robiać dziciačyja śviaty. Ludzi prychodziać, śpiavajuć karaokie, prychodziać prosta ŭ bar vypić kubačak kavy ci kielich piva, ci čarku kańjaku. Arhanizoŭvajucca vystavy, pravodziacca fotasiesii. Tamu prastora pracuje», — raskazvaje Karačeŭski.
Pa słovach čynoŭnika, dziaržaŭnyja kinateatry imknucca raźvivać dadatkovyja pasłuhi, jakija ŭ inšych krainach zabiaśpiečvajuć ad 40 da 60 pracentaŭ ahulnaha dachodu kinateatraŭ.
«Dziakuj bohu, u nas niedzie kala 40% zajmajuć dadatkovyja pasłuhi. Usio astatniaje — heta kino», — davodzić čynoŭnik.
«My zajmajemsia jašče i ideałohijaj»
Kali pryvatnyja kinateatry pakazvajuć toje, na što jość popyt u hledačoŭ, to ŭ dziaržaŭnych inšaja palityka:
«U nas šyrejšy repiertuar, u nas bolš fiestyvalnych filmaŭ, u nas biełaruskaje kino prysutničaje. (…) Vy zrazumiejcie, što ŭ nas ža funkcyja nie tolki kamiercyjnaja. My źjaŭlajemsia jašče ŭstanovaj kultury, jakaja zajmajecca vychavańniem, adukacyjaj, ideałohijaj i inšymi važnymi rečami. Tamu što ŭ nas ža prachodziać i surjoznyja premjery filmaŭ, važnych, znakavych dla našaj krainy. Toje, čaho nie budzie rabić pryvatnik».
Adznačym, što ŭ dziaržaŭnych kinateatrach ciapier prezientujuć i niekatoryja prapahandysckija filmy telekanałaŭ.
Što tyčycca repiertuaru, to pa słovach kiraŭnika «Kinavideaprakatu», jany sprabujuć pakazvać indyjskija, tureckija, paŭdniovakarejskija filmy, filmy Paŭdniova-Uschodniaj Azii, sprabujuć ładzić pakazy, prymierkavanyja da peŭnaj padziei.
Ciapier čytajuć
Na naradzie ŭ Łukašenki publična pasvarylisia čynoŭniki. Jon nie viedaŭ, kaho padtrymać5
Kamientary
Dyk moža varta addać pryvatniku ceły budynak u arendu, a lepš pradać i pahladzieć, što tam budzie? Ale hetyja razmovy mieli racyju da 2020. Bo zaraz va ŭmovach tatalnych represij, cenzury i ŭzakonienaha kinapiractva nijakich surjoznych pryvatnych inviestycyj ŭ zabaŭlalny biznes čakać nie davodzicca. Kali tolki heta nie isnujučy za košt dziaržbiudžetu biznes Hanny Siałuk.