Kolki možna zarabić na vysiakańni kustoŭ u Šviecyi? Małady biełarus padzialiŭsia dośviedam
Chłopiec u svaim tyktoku kaža, što zarablaje bolš, čym u Polščy, a za žyllo ŭ Šviecyi ŭvohule ničoha nie płacić.
20-hadovy Stas vyrašyŭ zarabić hrošy na noŭtbuk i pierajezd u ZŠA. Dla taho chłopiec spačatku pajechaŭ pracavać u Polšču, ale jamu zdałosia, što płaciać tam mała.
Zatoje ŭ Polščy biełarus paznajomiŭsia z mužčynam, jaki prapanavaŭ jamu pracu ŭ Šviecyi — vysiakać kusty ŭ lesie.
Stas pahadziŭsia i ciapier zarablaje pa 10 jeŭra na hadzinu. Za miesiac pavinna atrymlivacca kala 2 tysiač jeŭra.
«Les taki, što časam dumaješ: «A moža, nu jaho? Dadomu ŭ Biełaruś?» A potym zhadvaješ svaje mety, dziela jakich ty ŭsio heta pačaŭ. I znoŭ siačeš», — kaža chłopiec.
U nievialičkim domiku kala lesu Stas žyvie biaspłatna — za jaho adkazny pracadaŭca. A voś pradukty davodzicca nabyvać samastojna.
Na 376 šviedskich kron (pryblizna 117 biełaruskich rubloŭ) chłopiec moža kupić chlabcy, małako, tvaroh, banany, pamidory, jabłyki, limon i avakada, kašu, dva prateinavyja batončyki, kurynyja kryły, zamarožanuju harodninu i słoičak «Nuteły».
U vychodny dzień Stas chodzić u saŭnu — za 8 jeŭra tam možna i paparycca, i papłavać. Miesca nahadvaje biełarusu akvapark: jość trampliny dla skokaŭ u vadu, horki i navat salaryj.
Ciapier čytajuć
Knyrovič raskazaŭ, čamu były dyrektar aršanskich zavodaŭ paśla vyzvaleńnia pajšoŭ vajavać za Rasiju, dzie i zahinuŭ2
Kamientary