Pamior były prezident Uruhvaja, jakoha nazyvali samy biednym prezidentam u śviecie
Chase Muchiku było 89 hadoŭ, jon pamior ad raku, niejki čas tamu admoviŭšysia ad lačeńnia.
«Z hłybokim smutkam paviedamlajem pra śmierć našaha kalehi Piepie Muchiki. Prezident, aktyvist, lidar i kiraŭnik. Nam ciabie budzie vielmi nie chapać, darahi stary. Dziakuj tabie za ŭsio, što ty nam daŭ, i za tvaju hłybokuju luboŭ da svajho naroda», — napisaŭ u sacsietcy Ch dziejny prezident Jamandu Orsi.
Chase Muchika byŭ viadomy jak «samy biedny prezident śvietu» dziakujučy svajmu ładu žyćcia i pierakanańniam. Jon kiravaŭ krainaj z 2010 pa 2015 hoda.
Jon achviaravaŭ 90% svajho zarobku na dabračynnaść, žyŭ na ścipłaj fiermie ŭ sielskaj miascovaści i za piać hadoŭ na pasadzie nabyŭ tolki ŭžyvanuju mašynu 1987 hoda vypusku.
Paśla sychodu z palityki Muchika taksama admoviŭsia ad piensii, jakaja naležała jamu jak byłomu sienataru.
Niejki čas tamu jamu pastavili dyjahnaz rak stravavoda. Palityk raskazaŭ, što chvaroba dała mietastazy pa ŭsim ciele, niahledziačy na 32 sieansy radyjeterapii. Urešcie jon paprasiŭ daktaroŭ nie praciahvać jaho pakuty i admoviŭsia ad lačeńnia.
«Kali pryjdzie čas pamirać, ja pamru. Usio prosta», — skazaŭ Muchika.
Jon płanavaŭ pravieści apošnija dni svajho žyćcia na fiermie, dzie žyŭ i padčas vykanańnia svaich prezidenckich paŭnamoctvaŭ u 2010-2015 hadach.
Palityk tady zajaviŭ, što praciahnie pracavać da samaha kanca, pakinuŭšy paśla siabie vobraz ścipłaha i pracavitaha čałavieka.
Vaskrasienski: Adkryvajecca nieba — i Aleś Bialacki adrazu vychodzić31
Kamientary