Źjaviłasia novaje vałanciorskaje, niezaležnaje vydaviectva RozUM Media, jakoje nazyvaje siabie «hołasam rozumu i litaraturnym supracivam». Pieršaje jaho vydańnie — kniha «Raz dva tri čietyrie dva» biznesmiena i ŭdzielnika pratestaŭ Piatra Umanskaha, jaki ŭ 2022 hodzie prajšoŭ praz Vaładarku i atrymaŭ try hady «chatniaj chimii».
Raman pačaŭsia jak zapisy ŭ kamiery, a skončyŭsia praz dva hady ŭžo doma; u im aŭtar praz ułasnyja ŭspaminy pakazvaje pratesnyja maršy, ucioki ad AMAPa i žyćcio palitviaźniaŭ pavodle artykuła 342, ad jakoha pachodzić i nazva knihi.
RozUM Media pracuje na vałanciorskich pačatkach, abiacaje zachoŭvać ananimnaść aŭtaraŭ i hatovaje publikavać teksty pa-biełarusku i pa-rusku, a taksama rabić pierakłady na jeŭrapiejskija movy, kab «praŭda pra Biełaruś hučała šyrej».
Vydaviectva zaklikaje i pačatkoŭcaŭ, i ŭžo viadomych piśmieńnikaŭ nieści «słova pra sapraŭdnuju Biełaruś» i adkryła pieradzakaz na debiutnuju knihu Umanskaha, prapanujučy padtrymać inicyjatyvu.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj31
Kamientary