Padazravany ŭ napadzie z nažom u Bilefieldzie, 35-hadovy siryjski hramadzianin Machmud Mchiemied, byŭ zatrymany dziakujučy niečakanamu śledu — jon sam vydaŭ siabie, kali paprasiŭ minaka na vakzale ŭ Esenie adkryć dadatak Deutsche Bahn, piša Bild.
Jon šukaŭ maršrut da horada Fielbiert — i hety fakt naściarožyŭ minaka, jaki paźniej paviedamiŭ pra incydent u palicyju.
Mchiemieda padazrajuć u tym, što ŭ noč z 17 na 18 maja jon napaŭ z nažom na naviedvalnikaŭ bara ŭ Bilefieldzie. Paciarpieli piać čałaviek, čaćviora ź ich znachodziacca ŭ ciažkim stanie. Paśla napadu Mchiemied dabraŭsia ciahnikami da Esena, adkul, vierahodna, praciahnuŭ šlach na aŭtobusach.
U paniadziełak, 19 maja, śpiecnaz zatrymaŭ padazravanaha ŭ pustujučaj kvatery ŭ horadzie Fielbiert pad Dziusieldorfam.
Padčas zatrymańnia Mchiemied z dapamohaj Google Translate vykazaŭ simpatyi da terarystyčnaj hrupoŭki IDIŁ. Paśla hetaha jon spyniŭ razmovy z pravaachoŭnikami.
Fiederalnaja prakuratura raspačała rasśledavańnie pa padazreńni ŭ relihijna matyvavanym terarystyčnym akcie. U kvatery Mchiemieda znajšli zapisku z prykmietami isłamisckich pohladaŭ, a taksama błaknot z telefonnymi numarami radykalnych ekstremistaŭ, jakija ŭžo traplali ŭ pole zroku palicyi.
Fiederalnaja prakuratura raspačała rasśledavańnie pa padazreńni ŭ relihijna matyvavanym terarystyčnym akcie. U kvatery Mchiemieda znajšli zapisku z prykmietami isłamisckich pohladaŭ, a taksama błaknot z telefonnymi numarami radykalnych ekstremistaŭ, jakija ŭžo traplali ŭ pole zroku palicyi.
Ciapier čytajuć
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ66
Kamientary
Ci razumiejecie, što vyhladajecie jak kananičny chejtar? Łahičnyja suviazi nie budujecie, majecie tolki asacyjatyŭnyja, blizkija da reflektarnych. "Mihrant" - reakcyja, moj kamient - taksama reakcyja (bo ŭsiaho tolki nie pierakanali mianie kaliści pa niejkamu pytańniu).
I kali tak, ci jość choć niejkaja roźnica pamiž Vami i, naprykład, hierojem artykuła - taksama mašyna, jakaja nie žadaje dumać, i zaprahramavanaja na praściejšyja reakcyi nianaviści?