Stali viadomyja akaličnaści zabojstva pad Oršaj adnaho rasijskaha palicejskaha druhim
26 traŭnia na aŭtadarozie ŭ Aršanskim rajonie byŭ znojdzieny trup 45-hadovaha rasijanina, a taksama aŭtamabil Lada biez rehistracyjnych znakaŭ. Milicyja adrazu zatrymała padazravanaha — 41-hadovaha rasijanina. Kanał Orsha.eu, jaki pieršym paviedamiŭ pra heta, napisaŭ, što ŭdzielničali ŭ zdareńni supracoŭniki rasijskaj palicyi: adzin major, druhi padpałkoŭnik. Ciapier kanał pryvioŭ novyja padrabiaznaści.
Jak piša Orsha.eu, paśla pracy dva palicejskija, jakija byli ŭ kamandziroŭcy ŭ Smalenskaj vobłaści Rasii, vyrašyli adpačyć i ŭžyć narkotyki. Ekśpiertyza vyjaviła ŭ ich kryvi sintetyčnyja rečyvy, viadomyja jak «soli».
Na asabistym aŭtamabili biez numarnych znakaŭ jany vyjechali na trasu M1, ale kiroŭca pad narkotykami pierabłytaŭ napramak i pamyłkova nakiravaŭsia nie ŭ bok rasijskaha horada, a ŭ Biełaruś.
Kiroŭca i pasažyr nibyta navat nie adrazu zrazumieli, što apynulisia ŭ inšaj krainie.
Paśla hetaha mužčyny pasvarylisia. Kanflikt skončyŭsia strełam z traŭmatyčnaj zbroi. Adzin z palicejskich zahinuŭ.
Pavodle infarmacyi kanała, zvanok u biełaruskuju milicyju zrabiŭ sam zabojca.
Aficyjnaj infarmacyi na hety kont niama.
Kamientary
Maskavity (i inšyja) praź miažu ŭ stanie ałkaholnaha i narkatyčnaha apjanieńnia voziać narkotyki, zbroju, zabivajuć adzin adnaho.
Niekali narmalnaja kraina ŭsio bolš i bolš pieratvarajecca ŭ śvinuch ruckaha miru.