Eks-televiadučaja i madelka raspaviała, što ciapier pracuje kasirkaj u piakarni
Byłaja viadučaja telekanała MinskTV Julija Viačerskaja raspaviała, što ciapier pracuje ŭ Batumi kasirkaj u piakarni. Jaje ščyraja historyja pra rašeńnie, jakoje padavałasia poŭnym pravałam, ale ŭ vyniku prynosić šmat zadavalnieńnia, sabrała bolš za miljon prahladaŭ u instahramie i Threads.
«Mnie 34 i ja pracuju kasirkaj — norm ci strom?» — zadaje pytańnie Julija. I sama pryznajecca, što kali išła na hetuju pazicyju, adčuvała soram.
«U maim partfolia praca televiadučaj, madelkaj, režysiorkaj, a ciapier — kasir. Ale ździŭlaje, što mienavita hetaja praca ŭ niaprosty žyćciovy pieryjad nahadała mnie, chto ja jość. Ja tryvałaja, adkaznaja, nie bajusia nahruzak. A ŭ moj pieršy ž pracoŭny dzień da mianie padyšła dziaŭčyna: «Jula, ja hladzieła vašy roliki na jutubie!» I ŭ jakim miescy tut musić być soramna? Ej, malutka, ja taboj hanarusia», — sama da siabie źviartajecca Julija.
Apošnim miescam pracy Julii pierad tym, jak jana adkryła IP, byŭ telekanał Minsk 24DOK (MinskTV). Paśla — praca režysiorkaj i apieratarkaj, zapusk ułasnych kursaŭ pa technicy maŭleńnia i aratarskim majsterstvie.
U emihracyi ŭsio pryjšłosia pačynać z nula.
«Da piakarni byli miesiacy pošukaŭ pracy, dziasiatki sumoŭjaŭ i stolki ž admovaŭ. Maje siły rastavali, jak i maje źbieražeńni. Ja apynułasia ŭ novaj krainie, nie razumiejučy, chto ja, dzie ja, na što mahu raźličvać i abapiercisia. Ja nie była na nuli, ja była ŭ hłybokim minusie. Mnie patrebnyja byli hrošy, kab płacić za arendu, ježu, navučańnie», — dzielicca niaprostym pieryjadam žurnalistka, adznačajučy, što akurat u piakarni jaje «sahreli, nakarmili, napoŭnili ciepłynioj i radaściu».
Ciapier jana moža navat pažartavać pra hałoŭny minus pracy ŭ piakarni — spakusu źjeści ŭsie smačnyja bułački, jakija, na žal, adkładajucca na talii.
U vyniku rašeńnie padzialicca svaimi pieražyvańniami pryniesła Julii nie tolki miljon prahladaŭ i novych padpisantaŭ, ale i dadatkovuju paznavalnaść u Batumi. Taksama joj pryjšli novyja zapyty na pracu z hołasam, terapiju (dziaŭčyna vučycca na hieštalt-terapieŭta) i supravadžeńnie błoha, źjavilisia i rekłamnyja prapanovy.
«Paśla fryłansierskaj pracy, kali zaŭsiody siadziš, kajf prosta ruchacca. Biehaju tudy-siudy i radujusia, što narešcie balać nohi, a nie śpina. Maja kasa — heta mini-scena, i ja atrymlivaju mora zadavalnieńnia, pracujučy na hetaj scenie», — pieraličvaje dadatkovyja plusy novaj prafiesii błohierka, svaim prykładam pakazvajučy, što nikoli nie pozna pasprabavać niešta novaje.
Maci raskazała, jak straciła dačku, kali toj było 3 hady, a viarnuli ŭ 9, dziakujučy minskim pamiežnikam
«Za paŭtara hoda ja pieratvaryłasia ŭ harodninu». Fitnes-trenierka zachvareła na Bali na nieviadomuju chvarobu
Maci traich dziaciej prosić Łukašenku viarnuć ich z prytułku. Čynoŭniki patłumačyli, čamu ŭ jaje nie atrymałasia
Ciapier čytajuć
Učora Minsk znoŭ zatapiła. Čamu stalica nie hatovaja da daždžoŭ?2
Kamientary
Dzie pracuje i chto płacić hrošy Cichanoŭskaj, Viačorku, Dabravolskamu, Łatušku i nabližanamu kołu?