Azierbajdžan i Armienija adkryjuć transpartny kalidor pry ŭdziele ZŠA i biez udziełu Rasii
Azierbajdžan i Armienija płanujuć padpisać mirnaje pahadnieńnie, u jakim budzie praduhledžana stvareńnie važnaha transpartnaha kalidora praz armianskuju terytoryju — pamiž asnoŭnaj častkaj Azierbajdžana i jaho ekskłavam Nachičevańniu, piša Reuters.
Dakumient majuć padpisać prezident Azierbajdžana Ilcham Alijeŭ i premjer-ministr Armienii Nikoł Pašynian u Biełym domie. ZŠA voźmuć aktyŭny ŭdzieł u hetym prajekcie i atrymajuć vyklučnyja pravy na jaho realizacyju.
Kalidor nazavuć u honar amierykanskaha prezidenta, u prysutnaści jakoha adbudziecca padpisańnie, — Trump Route for International Peace and Prosperity («Maršrut Trampa dziela mižnarodnaha miru i roskvitu»). Jon budzie dziejničać pavodle armianskaha zakanadaŭstva, ale ZŠA atrymajuć prava pieradać kiravańnie im śpiecyjalnamu kansorcyumu.
Akramia taho, Armienija i Azierbajdžan razam źviernucca z prośbaj raspuścić Minskuju hrupu, jakaja z 1992 hoda zajmałasia ŭrehulavańniem kanfliktu pamiž hetymi krainami.
Amierykanskija čynoŭniki ličać, što heta pahadnieńnie moža stać krokam da dałučeńnia Azierbajdžana da tak zvanych «Aŭraamaŭskich pahadnieńniaŭ» — inicyjatyvy pa narmalizacyi adnosin Izraila z šeraham krain Blizkaha Uschodu i Afryki.
U adroźnieńnie ad damoŭlenaściaŭ 2020 hoda, kali transpartny kantrol ažyćciaŭlali rasijskija pamiežniki, novy prajekt nie praduhledžvaje ŭdziełu Rasii.
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier3
Kamientary
Miarkuju, nastupnaj pavinna źniknuć tak zvanaje "Prydniestroŭje"