Vynachodnictva ŭ Biełarusi skaciłasia da šmathadovaha minimumu
U 2024 hodzie ŭ Nacyjanalny centr intelektualnaj ułasnaści pastupiła 303 zajaŭki na vydaču patentaŭ na vynachodstvy. Heta minimalnaja kolkaść za ŭvieś dastupny pieryjad viadzieńnia statystyki, piša vydańnie «Biełarusy i rynak».
Dla paraŭnańnia, u paśpiachovym 2013 hodzie było padadziena bolš za 1,6 tys. zajavak — heta ŭ piać razoŭ bolš. Z tych časoŭ vynachodnickaja aktyŭnaść štohod źmianšajecca. Takija danyja pryviedzieny ŭ hadavoj spravazdačy Nacyjalnaha centra intelektualnaj ułasnaści.
Skaračajecca kolkaść zajavak jak ad biełaruskich, tak i zamiežnych vynachodnikaŭ. Ad zamiežnikaŭ u minułym hodzie było padadziena ŭsiaho 47 zajavak, tady jak 10 hadoŭ tamu ŭzrovień dasiahaŭ 160. Bolšaść zvarotaŭ pastupiła ad rasijan (23).
Kolki zaćvierdžana
U 2024 hodzie pryniata 308 rašeńniaŭ ab vydačy patenta — heta bolš, čym pastupiła zajavak. Za hod Centr zarehistravaŭ 280 vynachodstvaŭ — niahledziačy na spad kolkaści ŭdzielnikaŭ, rehistracyja vyrasła ŭ paraŭnańni ź minułym hodam.
Što vynachodzili?
Bolš za ŭsio vynachodstvaŭ, jakija pretendujuć na patent, prypała na chimiju. U cełym halinavaja struktura vyhladaje tak:
- chimija — 22% usich zajavak,
- roznyja technałahičnyja pracesy — 21%,
- fizika — 19,5%,
- zadavalnieńnie žyćciovych patreb čałavieka — 19%.
Paviedamlajecca, što biełarusy za hod taksama padali 14 zajavak u Jeŭrazijskija patentnyja struktury. Što tyčycca kamiercyjalizacyi vynachodstvaŭ u Biełarusi, to ŭ 2024 hodzie zarehistravana ŭsiaho 6 licenzijnych dahavoraŭ i 4 dahavory sastupki na vynachodnictvy.
Razam z tym na Biržy intelektualnaj ułasnaści na kaniec 2024 hoda było raźmieščana 642 kamiercyjnyja prapanovy pa vynachodstvach, što na 67 bolš, čym u papiarednim hodzie.
Jak u inšych krainach?
U 2024 hodzie ŭ Rasii było padadziena bolš za 26 tysiač zajavak na vynachodstvy, kraina apynułasia ŭ dziasiatcy suśvietnych lidaraŭ pa kolkaści vydadzienych patentaŭ. Adnak apiaredžvaje ŭsich u hetaj śfiery Kitaj. Za apošnija 20 hadoŭ uzrovień patentnaj aktyŭnaści tam vyras u 50 razoŭ.
Zaraz u siarednim na kožnyja 100 młn juaniaŭ, nakiravanych na daśledavańni i raspracoŭki ŭnutry krainy, prypadaje 70 zajavak na vynachodstvy, padadzienych u Kitajskaje patentnaje viedamstva.
U 2024 hodzie ŭ Mižnarodnuju patentnuju kamisiju było padadziena kala 273,9 tys. mižnarodnych zajavak na patenty. Ź ich bolš za 70 tys. pastupiła z Kitaja. U piaciorku lidaraŭ taksama ŭvachodzić Rasija.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha148
Kamientary
Choť čiślatsia v štatie naučnych instancij, no ničieho novoho nie sposobny izobriesti.