U Homieli mužčyna dapamoh danieści chvoraha da mašyny chutkaj dapamohi, a ŭ pracesie abakraŭ jaho
U Homieli adbyŭsia incydent, jaki vyhladaje jak scenar da detektyŭnaha filma. Małady mužčyna, nibyta z dobrych namieraŭ, dapamoh bryhadzie chutkaj dapamohi zanieści chvoraha z kvatery ŭ mašynu, ale miž tym skarystaŭsia ź situacyi i ŭkraŭ bankaŭskuju kartu paciarpiełaha, piša vydańnie «Biełka».
Adbyłosia heta 19 kastryčnika minułaha hoda. Pacyjentu było kiepska, ale jon usio ž schadziŭ u kramu pa minierałku, viarnuŭsia dadomu i pakłaŭ kartku ŭ prychožaj. Paśla vyklikaŭ chutkuju i paviedamiŭ pra heta dačce. Kali ž fielčarka paprasiła znajści na vulicy dobraachvotnika, kab dapamahčy danieści chvoraha, u dvary znajšoŭsia hatovy dapamahčy chłopiec.
Adnak pakul usie byli zaniatyja chvorym, jon skarystaŭsia ź mituśni i prysabiečyŭ kartku. Ciaham nastupnaha tydnia jon zrabiŭ ź jaje amal 100 tranzakcyj: nabyvaŭ ježu, ałkahol, cyharety, apłačvaŭ cyrulniu, kuplaŭ vopratku i navat razdavaŭ čajavyja. Usiaho było vydatkavana bolš za 2000 rubloŭ. Pry hetym paciarpieły, jaki znachodziŭsia ŭ balnicy, pra kradziež navat nie padazravaŭ.
Kali kartku zabłakavali, to złamyśnik pasprabavaŭ jašče niešta kupić, ale biezvynikova, i tady prosta vykinuŭ jaje. Adnak na hetym jahonyja pryhody nie skončylisia — nieŭzabavie jon ukraŭ butelku harełki ŭ kramie, ale byŭ zaŭvažany. Uciakajučy ad achoŭnika, raźbiŭ butelku i ŭrešcie trapiŭ u milicyju.
Sud u vyniku pryznaŭ chłopca vinavatym u kradziažy praz madyfikacyju kampjutarnaj infarmacyi i ŭ paŭtorym rabunku. Jamu pryznačyli trochmiesiačny aryšt i abaviazali viarnuć usie vykradzienyja hrošy na praciahu dvuch tydniaŭ.
Babula skrała zabytuju torbu z muzyčnaj aparaturaj, kab zrabić padarunak unuku
Haradzienka skrała pad kamierami ŭ kramie cukierki
Viciebskaja buchhałtarka pieraviała sabie na kartku bolš za 270 tysiač rubloŭ. Praŭda, nie dla siabie
Chłopcam, jakija zabrali miač z darohi, pahražajuć 4 hadami źniavoleńnia
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3838
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii38
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4646
Kamientary