Na minskaha piensijaniera zaviali kryminałku za stralbu ź pnieŭmatyki pa žyviolinie
Na 63-hadovaha minčuka zaviali kryminalnuju spravu za žorstkaje abychodžańnie z žyviolinaj — jon streliŭ u kata ź pnieŭmatyčnaj vintoŭki.
Jak paviedamiła staličnaja milicyja, parušeńnie vyjavili padčas manitorynhu internetu: u siecivie źjaviłasia videa, dzie mužčyna pryznajecca, što stralaŭ u biazdomnaha kata z akna svajoj kvatery.
Incydent adbyŭsia ŭ Zavodskim rajonie Minska. Mužčyna patłumačyŭ, što niadaŭna nabyŭ pnieŭmatyčnuju vintoŭku i «vypraboŭvaŭ jaje». Na videa, jakoje apublikavała milicyja, jon havoryć: «U kata strelnuŭ, u badziažnaha. Sa svajoj kvatery, z akna».
Suprać jaho raspačali kryminalnuju spravu pa artykule ab žorstkim abychodžańni z žyviołami.
Kamientary