Eks-namieśnika ministra abarony Rasii Cimura Ivanova prysudzili da 13 hadoŭ pazbaŭleńnia voli, a taksama pryznačyli štraf 100 miljonaŭ rasijskich rubloŭ (1,27 młn dalaraŭ) pa spravie ab rastracie i lehalizacyi hrašovych srodkaŭ. Heta jaho pieršy, ale nie apošni prysud, piša Baza.
Cimura Ivanova abvinavačvali ŭ rastracie bolš za 216 miljonaŭ rubloŭ (2,75 młn dalaraŭ) pry kupli i prodažy paromaŭ dla Kierčanskaj pierapravy, a taksama ŭ prysvajeńni amal 4 miljardaŭ rasijskich rubloŭ (51 młn dalaraŭ), što naležali banku «Interkamierc». Sprava razhladałasia ŭ zakrytym režymie.
Razam ź Ivanovym abvinavačvaŭsia i jahony były padnačaleny Anton Fiłataŭ — eks-hiendyrektar padviedamasnaha Ministerstvu abarony TAA «Abaronłahistyka». Prakuror zaprasiŭ dla Ivanova 14,5 hoda kałonii ahulnaha režymu, dla Fiłatava — 14 hadoŭ.
Ivanoŭ zajmaŭ pasadu namieśnika ministra abarony z maja 2016 hoda. Jaho zatrymali ŭ krasaviku 2024-ha, paźniej aryštavali pa abvinavačańni ŭ atrymańni chabaru ŭ asabliva bujnym pamiery.
Pavodle viersii śledstva, Ivanoŭ akazvaŭ dapamohu kampanijam — padradčykam Minabarony, a jany ŭzamien vykonvali budaŭničyja raboty na jaho abjektach. Sumu chabaru acanili ŭ 1,185 miljarda rasijskich rubloŭ (15 młn dalaraŭ). Paźniej da abvinavačvańnia ŭ atrymańni chabaru dadałosia abvinavačvańnie ŭ kradziažy srodkaŭ banka «Interkamierc» i rastracie.
Kamientary
[Zredahavana]