$249 000 za histaryčny vajb. Jaki ramont zrabili ŭ stalincy prosta ŭ centry Minska
Hety cahlany dom 1947 hoda pabudovy znachodzicca prosta kala stadyjona «Dynama». Miesca cichaje (kali nie ŭličvać mierapryjemstvy na stadyjonie), turystyčnaje, prosta ŭ centry horada — za ŭsio heta ludzi zvyčajna j lubiać stalinki.
U ich adnačasova jość i histaryčny vajb, i bonus u vyhladzie ŭdałaj łakalizacyi. Zaraz u trochpaviarchoŭcy na Kirava, 23 pradajecca cikavaja kvatera z novym dyzajnierskim ramontam, piša Onliner.by.
Płošča trochpakajovaj kvatery — 71,6 kv. m. Vysokaja stol — heta taksama admietnaja prykmieta stalinskich kvater. Tut stoli majuć vyšyniu 3,05 mietra.
Uvohule interjer vyhladaje minimalistyčna i spakojna. U kuchni, złučanaj z haścinaj, pryciahvaje ŭvahu kamin. Rabočy jon ci nie, nieviadoma, ale ŭtulnuju atmaśfieru, biezumoŭna, stvaraje.
Apisańnie kuchni ad ryełtara:
— Indyvidualny prajekt kuchonnaha harnitura dazvalaje maksimalna efiektyŭna vykarystoŭvać prastoru i stvaryć unikalny styl.
Ubudavanaja technika Bosch viadomaja svaim jakaściu i nadziejnaściu, a kieramahranitnaja stalnica i padvakońniki nie tolki pryhožyja, ale i vielmi praktyčnyja.
U kvatery jość dva žyłyja pakoi — spalnia i dziciačaja. U pakojach na padłozie — dubovy parkiet i italjanskaja plitka.
U sanvuźle praduhledžana elektryčnaja sistema padahrevu padłohi. Hetuju zonu abstalavali z dapamohaj santechniki i źmiašalnika Villeroy & Boch, instalacyi Grohe, akryłavaj vanny, bojlera dla padahrevu vady i pralna-sušylnaj mašyny.
Košt takoha žytła — $249 000.
Pa mierkavańni ryjełtara, kvatera idealna padydzie dla pražyćcia abo moža stać abjektam dla inviestavańnia.
Litoviec Vitalijus Mockus zaniaŭ pasadu Stryžaka ŭ «Bajsole». Chto heta taki?34
Kamientary