U Minsku novy navučalny hod pačaŭsia dla bolš čym 228 tysiač vučniaŭ i 16,6 tysiačy nastaŭnikaŭ. Da prafiesijnaha śviata nastaŭnikaŭ, jakoje tradycyjna adznačajecca ŭ pieršuju niadzielu kastryčnika, Hałoŭnaje statystyčnaje ŭpraŭleńnie horada Minska apublikavała niekatoryja źviestki pra sistemu adukacyi.
U stalicy ŭ 2024/2025 navučalnym hodzie ŭ škołach pracuje 16,6 tysiačy piedahohaŭ, jakija navučajuć 228,6 tysiačy vučniaŭ u 269 ustanovach ahulnaj siaredniaj adukacyi.
Siaredniaja nahruzka ŭ Minsku — 14 vučniaŭ na adnaho nastaŭnika.
Bolš za pałovu staličnych piedahohaŭ pracujuć u škole bolš za 15 hadoŭ. Moładź da 30 hadoŭ składaje kala 20%, a nastaŭniki, što dasiahnuli piensijnaha ŭzrostu, — kala 16%.
Amal 90% piedahahičnych kadraŭ u stalicy — žančyny (pa krainie — 88%).
98% vykładčykaŭ biełaruskaj movy, 97,7% ruskaj, 97% zamiežnych moŭ — žančyny. Navat u 62% vypadkaŭ pracoŭnaje navučańnie vykładajuć žančyny, u 55% — fizičnuju kulturu, u 39% — dapryzyŭnuju padrychtoŭku.
Siaredniaja naminalnaja naličanaja zarpłata nastaŭnikaŭ u stalicy za studzień—žnivień 2025 hoda skłała 2 608 rubloŭ (albo 2146 paśla padatkaŭ).
Usiaho ŭ Biełarusi pracuje bolš za 102 tysiačy piedahohaŭ.
Kamientary
Ci ŭ babarykanskim čacie refarmatarak užo abmiarkoŭvajecca heta tema, tak jak dykpiki Stryžaka, hiendarnyja kvoty na vybary ŭ KR ci vilenskija i varšaŭskija prajdy?
Tolki rasiejskamoŭnaja internacyjanał fieministka zabyłasia dadać, što havorka pra zachavańnie čyrvonaj revalucyi, jakaja joj idejna blizkaja.