Pa vynikach vybaračnaha abśledavańnia chatnich haspadarak pa ŭzroŭni žyćcia ŭ pieršym paŭhodździ siarednija štomiesiačnyja hrašovyja vydatki adnoj chatniaj haspadarki ŭ Minsku dasiahnuli 3 275,4 rubla, paviedamlajuć Minsk-naviny sa spasyłkaj na danyja Hałoŭnaha statystyčnaha ŭpraŭleńnia horada Minska.
Bolšaja častka hetych srodkaŭ — 64,8 %, abo 2 123,2 rubla, — była nakiravana na spažyvieckija vydatki. Astatnija hrošy pajšli na ŭkłady i źbieražeńni, padatki, uznosy, inšyja płaciažy, a taksama na viadzieńnie asabistaj padsobnaj haspadarki.
Struktura spažyvieckich vydatkaŭ chatnich haspadarak skłałasia nastupnym čynam:
- 38,5 % — vydatki na charčavańnie;
- 31,4 % — pakupka niecharčovych tavaraŭ;
- 27,9 % — apłata pasłuh.
Bolš detalovy analiz ahulnych spažyvieckich vydatkaŭ pakazaŭ, jakija mienavita katehoryi tavaraŭ i pasłuh byli najbolš značnymi dla siamiejnaha biudžetu:
- pradukty — 33,5 %;
- transpart — 12,4 % (u tym liku pasłuhi hramadskaha transpartu — 2,7 %);
- apłata žylla — 8,5 % (u tym liku žyllova-kamunalnyja pasłuhi — 5,5 %);
- achova zdaroŭja — 7,2 %;
- pakupka pradmietaŭ chatniaha ŭžytku, bytavoj techniki i dohlad za domam — 6,2 %;
- infarmacyja i suviaź — 5,9 %;
- pakupka adzieńnia i abutku — 5,7 %;
- kultura, adpačynak i sport — 5,2 %;
- śpirtnyja napoi i tytuniovyja vyraby — 2,2 %;
- pasłuhi adukacyi — 1,9 %.
Ciapier čytajuć
Biełarusam, jakija pryjeduć u Rasiju, buduć na pieršyja sutki adklučać internet6
Kamientary