Baćka z maci adkładvali ich na ramont doma.
Historyja padmanu pačałasia 9 kastryčnika. Sa školnikam u Telegram źviazałasia niejkaja dziaŭčyna. Jana raskazała, što ŭbačyła jaho ankietu ŭ servisie znajomstvaŭ u sacsietcy.
Razmaŭlajučy z chłopčykam, surazmoŭca daviedałasia ŭ jaho hieałakacyju škoły. Paśla hetaha z padletkam źviazalisia ź inšaha akaŭnta i dasłali videa. Na im čałaviek u bałakłavie z ukrainskim ściaham raskazvaŭ, što atrymaŭ infarmacyju z akaŭnta novaj «pryjacielki».
Amal adrazu na suviaź z chłopčykam vyjšaŭ nieviadomy, jaki nazvaŭsia supracoŭnikam orhanaŭ. Jon zajaviŭ, što pieradača hieałakacyi zamiežnamu hramadzianinu źjaŭlajecca parušeńniem zakona.
Adnak paabiacaŭ, što adkaznaści možna paźbiehnuć, kali vykonvać ukazańni kuratara — «inśpiektara milicyi», jaki chutka źviažacca z padletkam.
Łžesłužboviec pierakanaŭ školnika ŭ nieabchodnaści zadekłaravać dachody baćkoŭ. Dla hetaha jon daŭ jamu ŭkazańnie sfatahrafavać najaŭnyja doma hrošy.
Jak paźniej vyśvietliła sapraŭdnaja milicyja, padletak padmanam daviedaŭsia ŭ baćki kod ad siejfa, dzie zachoŭvalisia siamiejnyja źbieražeńni, sfatahrafavaŭ hrošy i adpraviŭ fota ašukancam.
Na nastupny dzień ź im źviazaŭsia ŭžo nibyta supracoŭnik KDB i zapatrabavaŭ terminova pieradać hrošy. Vykonvajučy ŭkazańni ŭžo novaha kuratara, školnik zanios sumku sa źbieražeńniami ŭ les.
Złačyncy abiacali viarnuć usie srodki ŭ toj ža dzień uviečary. Ale, zrazumieła, paśla atrymańnia hrošaj pierastali vychodzić na suviaź.
Kali baćki narešcie zabili tryvohu i daviedalisia pra pierapisku syna, było ŭžo zanadta pozna.
Minskim rajonnym adździełam Śledčaha kamiteta ŭzbudžanaja kryminalnaja sprava pa č.4 art. 209 Kryminalnaha kodeksa (machlarstva, učynienaje ŭ asabliva bujnym pamiery).
Adpaviednyja orhany viaduć aktyŭnaje rasśledavańnie hetaha złačynstva, a taksama ŭstaloŭvajuć koła asob, datyčnych da vynachodlivaj schiemy padmanu padletka.
Kamientary
Baćki, pomnicie, što dzieci heta dzieci, i treba trymać ich dalej ad hrošaj, zbroi i inšych "darosłych" rečaŭ.( i ad žonki taksama pažadana)