Ježa66

7 mocnych mifaŭ pra ałkahol

Ci razumiejem my, jak dziejničaje ałkahol na arhanizm?

Ałkahol — heta nie tolki harełka, ale i piva, jakoje dla mnohich ludziej, jak čaj, źjaŭlajecca praktyčna štodzionnym napojem. Ale dobra heta ci drenna, i naohuł — ci razumiejem my, jak dziejničaje ałkahol na arhanizm albo zdavolvajemsia pryvyčnymi stereatypami? Pasprabujem razabracca…

Ałkahol pavyšaje apietyt

Nasamreč lohki hoład pravakujecca tolki mocnymi napojami, pryčym užytymi ŭ nievialikaj kolkaści. Pad uździejańniem śpirtnoha aktyvujucca niervovyja centry, jakija adkazvajuć za adčuvańnie hoładu‑nasyčeńnia — na ich «abudžeńnie» idzie prykładna 15 chvilin. Pić śpirtnoje dla ŭzbudžeńnia apietytu — zaniatak niebiaśpiečny. Mocnyja napoi razdražniajuć ślizistuju straŭnika i stravavoda, vyklikajučy piakotku i hastryty.

Šmat vypić moža tolki zdarovy čałaviek

Zdolnaść pić nie pjaniejučy, heta značyć vypivać adrazu vialikuju kolkaść ałkaholu biez apjanieńnia ŭ navucy nazyvajecca talerantnaściu da ałkaholu. Mnohim heta padajecca ŭnikalnaj zdolnaściu, adnak miedyki ličać taki «talent» prykmietaj druhoj stadyi ałkahalizmu. Kali čałaviek vałodaje vysokaj ustojlivaściu da ałkaholu, heta jašče nie značyć, što ŭ jaho nie moža ŭźniknuć ałkaholnaj zaležnaści. Moža! Ale heta ałkaholnaja zaležnaść vielmi chutka pierarastaje ŭ ciažkaje zachvorvańnie, časta ź latalnym vynikam.

Ad ałkaholu taŭściejuć

Tak! Ad ałkaholu taŭściejuć, tamu što ałkahol utrymlivaje vuhlavody, jakija ŭ pracesie pierapracoŭki ŭ arhaniźmie pieratvarajucca vyklučna ŭ tłustyja kisłoty. Tłušč adkładvajecca na žyvacie, kłubach i h.d. Asabliva niebiaśpiečnyja z punktu hledžańnia dyjetałohii mocnyja napoi — kožny hram utrymlivaje nie mienš jak 7 kkał.

Darahija i jakasnyja napoi — biasškodnyja

Nijaki ałkaholny napoj jak taki nie źjaŭlajecca ni škodnym, ni biasškodnym. Niebiaśpiečnym dla zdaroŭja źjaŭlajecca ałkaholny jad, a dakładniej — vocatny aldehid, jaki ŭtvarajecca ŭ arhaniźmie paśla pierapracoŭki etyłavaha śpirtu. I navat jakasny ałkahol pravakuje ŭtvareńnie ałkaholnaha jadu, asabliva niebiaśpiečnaha dla sardečna‑sasudzistaj sistemy.

Prymajučy antybijotyki, pić nielha!

Nasamreč ałkahol moža tolki panizić dziejańnie niekatorych antybijotykaŭ, što nie ŭjaŭlaje vialikaj pahrozy dla žyćcia. Taksama mohuć uźniknuć niepažadanyja pabočnyja efiekty nakštałt praźmiernaha apjanieńnia. Značna bolš niebiaśpiečnaje spałučeńnie ałkaholu z bolesucišalnymi, naprykład, ibuprafienam, aśpirynam. U takoj situacyi vialikaja ryzyka paškodžańnia ślizistaj straŭnika i kišečnika.

Śpirtnoje dapamahaje zasnuć

Heta sapraŭdy tak. Adnak ałkahol parušaje cykličnaść snu, i asabliva ŭpłyvaje na jaho hłybokija fazy. Zasnuŭšy ŭ stanie apjanieńnia, čałaviek lahčej abudžajecca, tamu što prykładna praz čatyry hadziny ałkahol pierastaje dziejničać i niervovyja centry rastarmožvajucca. A pry šmatrazovym paŭtareńni rytuału «vypić na noč» snatvorny efiekt ałkaholu i zusim zatuchaje.

Ałkahol zdymaje stres

Padniać nastroj z dapamohaj ałkaholu sapraŭdy možna. Ale dla hetaha ałkaholnaja doza pavinna być zusim nievialikaj — 20— 30 mł harełki abo kańjaku. Pad uździejańniem śpirtnoha ŭ kroŭ intensiŭna vykidvajecca dafamin — harmon radaści, jaki vyklikaje ŭ čałavieka pryjemnaje ŭzbudžeńnie, ejfaryju. Vialikaja ž doza prymušaje mozh vypracoŭvać rečyvy vielmi aktyŭna, i za adzin viečar možna vyčarpać zapasy dafaminu, jakija b padtrymlivali nastroj uvieś zaŭtrašni dzień. Tamu ranicaj paśla burnaha zastolla stan čałavieka charaktaryzujecca jak stresavy i depresiŭny.

Kamientary6

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad7

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad

Usie naviny →
Usie naviny

Zatrymali brata Ihara Łosika5

«Jašče i kredytny rejtynh paciarpić». Bankamat zabraŭ hrošy, ale na rachunak jany nie pastupili3

U finale futbolnaha jeŭrakubka zhulajuć kamandy, jakija zajmajuć 15-je i 16-ja miescy ŭ svaim čempijanacie

«Staŭleńnie jak da skaciny». Prarasijski błohier raskazaŭ pra 25 sutak ŭ IČU12

Džej Dzi Vens: Rasija na pieramovach pa Ukrainie prosić bolš za razumnaje. Jana nie atrymaje terytoryi, jakija navat nie zachapiła3

Cichanoŭskaja: Vajna nikoli nie pavinna być srodkam vyrašeńnia prablem8

Papa Leŭ XIV: amierykanski misijanier u Pieru, jaki krytykavaŭ vice-prezidenta ZŠA. Što viadoma pra novaha Papu2

Bił Hiejts vyrašyŭ razdać amal usie svaje hrošy na praciahu najbližejšych dvaccaci hadoŭ6

Arkadź Dobkin syšoŭ z kiraŭnictva JERAM? Imavierna, heta farmalnyja pierastanoŭki

bolš čytanych navin
bolš łajkanych navin

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad7

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad

Hałoŭnaje
Usie naviny →

Zaŭvaha:

 

 

 

 

Zakryć Paviedamić