Niaśvižski rajonny sud pryznaŭ kleckaha aktyvista nievinavatym. Ciapier jon źbirajecca sudzicca z tymi, chto jaho abyłhaŭ.
Niaśvižski rajonny sud pryznaŭ kleckaha aktyvista nievinavatym. Ciapier jon źbirajecca sudzicca z tymi, chto jaho abyłhaŭ.
Jak paviedamiŭ Siarhiej Panamaroŭ, 29 červienia ŭ Niaśvižskim rajonnym sudzie prajšło zaklučnaje pasiedžańnie pa administracyjnaj spravie suprać jaho. Sudździa Maryna Dunajeva spyniła administracyjnuju spravu ŭ dačynieńni da Panamarova, paličyŭšy jaho nievinavatym. Padstavaj dla takoha rašeńnia stali šmatlikija parušeńni z boku kleckaj milicyi. Tak, Niaśvižski sud vyśvietliŭ, što sprava suprać kleckaha aktyvista była faktyčna sfabrykavanaja: śviedki z boku abvinavačvańnia błytalisia ŭ pakazańniach, na pratakole, składzienym učastkovaha milicyjanta Hardzieja adsutničaŭ podpis Panamarova.
Ciapier Panamaroŭ rychtuje sustrečnyja zajavy ŭ prakuraturu i abłasnoje ŭpraŭleńnie ŭnutranych spraŭ na načalnika Kleckaj ŽKH, jaho śviedak i kleckich milicyjantaŭ. Jon paviedamiŭ, što UUS Minabłvykankama źbirajecca zaniacca jahonaj pieršaj zajavaj u prakuraturu na dziejańni A. Navickaha ad 15 sakavika 2010 h. «Maja zajava dahetul nie razhledžanaja», — patłumačyŭ Panamaroŭ.
Nahadajem, što 15 sakavika hetaha hoda Panamaroŭ źviarnuŭsia ŭ prakuraturu Kleckaha rajona sa skarhaj na dziejańni načalnika kleckaj ŽKH Alaksandra Navickaha. Adnak u pravaachoŭnych orhanach zajavie Panamarova chodu nie dali, zatoje raspačali ŭ dačynieńni da jaho administracyjnuju spravu pavodle sustrečnaj zajavy Navickaha. U vyniku Klecki rajonny sud prysudziŭ Panamarovu štraf.
28 traŭnia Minski abłasny sud pastanaviŭ admianić rašeńnie Kleckaha rajonnaha suda i nakiravaŭ spravu ŭ sud Niaśvižskaha rajona na novy razhlad.
Ciapier čytajuć
«Tufli — 400 rubloŭ». Vypuskniki dzielacca, u kolki abyšlisia ich vobrazy2
Kamientary