Zatrymana suteniorka, jakaja kantralavała prastytutak la płoščy Pieramohi
Milicyjaniery havorać jak minimum ab dziesiaci prastytutkach, jakich «strachavała» zatrymanaja, adnak, chutčej za ŭsio, ich było bolš.
Śledčym adździełam papiaredniaha rasśledavańnia Centralnaha RUUS raspačata sprava na padstavie č. 2 art. 171 KK (vykarystańnie prastytucyi ci stvareńnie ŭmoŭ dla prastytucyi) u dačynieńni da43-hadovaj minčanki. Apieratyŭniki ličać, što hetaja žančyna kantralavała pracu prastytutak, jakija prapanujuć svaje pasłuhi ŭ rajonie płoščy Pieramohi.
Jak paviedamili ŭ adździele infarmacyi i hramadskich suviaziaŭ HUUS Minharvykankama, zatrymanuju milicyjaniery viedajuć. U pačatku 2000-ch hetaja žančyna pryciahvałasia da kryminalnaj adkaznaści za anałahičnaje złačynstva. Paśla viartańnia ź miescaŭ pazbaŭleńnia voli jana vyrašyła naładzić stary biźnies, uličvajučy pamyłki minułaha. Apieratyŭniki adznačajuć, što svaju dziejnaść suteniorša imknułasia vieści maksimalna zakanśpiravanymi sposabami, jakija vyklučajuć mahčymaść nie tolki zatrymańnia z dokazami złačynstva, ale i zboru dokaznaj bazy ŭčynieńnia złačynstvaŭ.
Dziejničajučy praz pravieranych trecich asob, padazronaja pastupova, karystajučysia svaim aŭtarytetam siarod prastytutak, a taksama bravirujučy vopytam znachodžańnia ŭ miescach pazbaŭleńnia voli i znajomstvam z kryminalnymi elemientami, zdoleła pierakanać niekatorych prastytutak u tym, što im nieabchodna peŭnaja arhanizacyjnaja padtrymka, u tym liku i pa pytańniach biaśpieki. Tych, chto sprabavaŭ uchilicca ad «dapamohi», «uhavorvała» pahrozami, zapałochvała, pry hetym upor rabiŭsia na niedapuščalnaść zvarotu ŭ orhany ŭnutranych spraŭ.
Milicyjaniery havorać jak minimum ab dziesiaci prastytutkach, jakich «strachavała» zatrymanaja, adnak, chutčej za ŭsio, ich było bolš.
Pakul zatrymanaja abvinavačvajecca ŭ karyślivym vykarystańni prastytucyi, ale nie vyklučajecca, što joj vystaviać abvinavačańnie i ŭ arhanizacyi prytonaŭ dla akazańnia sieksualnych pasłuh.
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro2
Kamientary