Pačobut: Zajava Michaleviča — mahutny ŭdar pa represiŭnaj mašynie Alaksandra i Viktara Łukašenkaŭ
Viadomy biełaruski žurnalist Andrej Pačobut u svaim błohu na sajcie «Biełaruskaha partyzana» prakamientavaŭ siońniašnuju zajavu Alesia Michaleviča.
«Katavańni kandydata ŭ prezidenty — heta niešta niejmaviernaje navat jak na standarty łukašenkaŭskaha režymu.
Vidavočna, śpiecsłužby parušyli čarhovaje tabu. Kali katujuć kandydata ŭ prezidenty — heta značyć, katavańni buduć prymianiacca i da zvyčajnych abvinavačanych pa kryminalnych spravach.
Ad taho, jakija vysnovy z hetaj historyi buduć zroblenyja, zaležyć, u jakoj krainie nam žyć.
I nie zaŭtra, a ŭžo siońnia, prosta zaraz. Na našych vačach Biełaruś pavolna, ale niaŭchilna ad aŭtarytaryzmu ruchajecca ŭ bok tatalitaryzmu, dzie rola apazicyi, na dumku lalkavodaŭ z KDB, pavinny buduć vykonvać «pałamanyja» ludzi.
Chtości padumaje, što možna lehčy «na dno», schavacca i pieračakać.
Hłupstva! Adkaz adzin — salidarnaść. «Razam nas bahata», usich nie pałamać!
Zaraz pra Alesia Michaleviča.
Ja nie lublu pafasu, ale toje što jon zrabiŭ — heta realna vielmi mocny ŭdar pa represiŭnaj machinie, kantralavanaj Alaksandram i Viktaram Łukašenkami. Michalevič, siedziačy ŭ turmie, zmoh abyhrać usich hetych Zajcavych i Uciurynych (imia im lehijon!).
Vy što, tavaryšy hienierały i pałkoŭniki? Dumali, novym stukačykam abzavialisia?
Dzirku vam ad abaranka, a nie Šarapava!
-
Staś Karpaŭ: Ja zaŭvažyŭ try Maryi
-
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
-
«Ja tolki nie razumieju, dla kaho pabudavali AES?» Daŭno nijakaja tema nie vyklikała takich emocyj, jak adklučeńnie śviatła na zahad Łukašenki
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary