Rasija razhladaje kuplu «Hazpromam» hazatranspartnaj kampanii «Biełtranshaz» «u bolšaj stupieni jak dapamohu Biełarusi ŭ suviazi z rostam cen na haz, jakaja ŭžo adbyłasia pry pierachodzie na ŭzajemavyhadnyja rynačnyja adnosiny».Pra heta zajaviŭ nadzvyčajny i paŭnamocny pasoł Rasijskaj Fiederacyi ŭ Biełarusi Alaksandr Surykaŭ.
Dypłamat zaznačyŭ, što Rasija nie bačyć sensu ŭviazvać nabyćcio druhoj pałovy akcyj «Biełtranshaza» z uzhadnieńniem novych cen na pryrodny haz, jaki budzie pastaŭlacca Biełarusi ŭ najbližejšyja
«Heta dva roznyja pytańni, — skazaŭ Surykaŭ. — My da kanca hoda zapoŭnim „Paŭnočny patok“. Praz „Biełtranshaz“ ža ŭsiaho transpartujecca 14 miljardaŭ kubamietraŭ hazu… Jość u Biełarusi žadańnie ŭtrymać hety tranzit — adno pytańnie. Nie — druhoje pytańnie.
Što takoje 14 miljardaŭ u ahulnym tranzicie hazu na treku Ukraina — Biełaruś u dźvieście ź liškam miljardaŭ kubamietraŭ?My razhladajem kuplu „Biełtranshaza“ ŭ bolšaj stupieni jak dapamohu Biełarusi ŭ suviazi z rostam cen na haz, jaki ŭžo adbyŭsia pry pierachodzie na ŭzajemavyhadnyja rynačnyja adnosiny. My tady kupili za 2,5 miljarda pałovu truby z metaj kampiensacyi hetaha rostu cen, ni dla čaho inšaha. I možam kupić druhuju pałovu taksama ŭ bolšaj stupieni z hetych ža mierkavańniaŭ. My razumiejem, što ŭskosna datyčnyja da situacyi, jana častkova pahoršyłasia
Tamu što kupiŭšy, pavinny budziem užo sami dumać, jak by jana nie prastojvała».
Što ž da cenaŭtvareńnia na haz, to heta, padkreśliŭ dypłamat, — «pytańnie druhoje».
«Cenaŭtvareńnie vyznačajecca pa formule, źviazanaj z canoj na pryrodny haz dla Jeŭropy, heta praduhledžana kantraktam, jaki dziejničaje zaraz. My padpisali dakumienty pa Adzinaj ekanamičnaj prastory, jakija da „Biełtrashaza“, zdavałasia b, nie majuć nijakaha staŭleńnia. Ale zaraz formuła cenaŭtvareńnia budzie pierahladacca, kab, nakolki ja miarkuju, pryvieści canu na haz dla Biełarusi ŭ razumnuju adpaviednaść z canoj na haz jak u Rasijskaj Fiederacyi. Da jakoj mienavita z najaŭnych zaraz u nas cen, pakul nie viedaju. Ci to heta budzie siarednierasijskaja cana, ci to cana dla jeŭrapiejskaj častki Rasii, ci to niejkaja inšaja. Ale my heta razumiejem jak naša abaviazacielstva pierad partnioram pa AEP, a nie jak mahčymaść atrymać aktyvy „Biełtranshaza“, jakija nam nie nadta i patrebnyja», — skazaŭ Surykaŭ.
Na dumku rasijskaha pasła, 2,5 miljarda dołaraŭ ZŠA, jakija Biełaruś moža vyručyć za druhuju pałovu akcyj «Biełtranshaza», zaraz joj byli b vielmi patrebnyja. «Inflacyja, padzieńnie realnych dachodaŭ nasielnictva, choć ekanomika nibyta i pracuje, — kanstatavaŭ Surykaŭ niehatyŭnyja tendencyi ŭ biełaruskaj ekanomicy. — Dobra hramadstvu? Drenna. Ułada stračvaje svoj davier u hramadstvie. Što treba rabić u hetaj situacyi? Ekanomika — jana iniercyjnaja. Pakul nabiare siłu ekspart, kolki hadoŭ treba čakać. Tamu moj punkt hledžańnia nastupny: voś hetyja 2,5 miljarda dołaraŭ za „Biełtranshaz“ vielmi byli b patrebnyja zaraz. I na moj pohlad, pieramovy pavinny być chutčej zakončanyja. Častku z vyručanych srodkaŭ treba nakiravać u zołatavalutnyja reziervy, a častku — u interviencyi na valutny rynak, kab pryvieści biełaruski rubiel da adzinaha kursu. Niachaj navat voś da hetaha, jaki Nacbank ličyć abjektyŭnym, — 5 tysiač rubloŭ za dołar. I pačniecca adlik u roście dachodaŭ nasielnictva. Voś što važna dla krainy zaraz, i hetyja resursy mahli b takuju zadaču vyrašyć».
Kamientary