28 kastryčnika sud admoviŭsia vyklikać u jakaści śviedak supracoŭnikaŭ śpiecpadraździaleńnia MUS «Ałmaz», jakija zatrymlivali 12 krasavika na arandavanaj kvatery na vulicy Karala Dźmitryja Kanavałava, Uładzisłava Kavalova i Janu Pačyckuju jak padazronych u vybuchu ŭ minskim mietro.
Z chadajnictvam ab ich vykliku napiaredadni da suda źviartaŭsia paciarpieły Samvieł Saakian. Sudździa Alaksandr Fiedarcoŭ abviaściŭ admovu Viarchoŭnaha suda, ničym jaje nie matyvavaŭšy. Saakian zapatrabavaŭ matyvavanaha adkazu, a nie atrymaŭšy jaho, zajaviŭ, što heta «parušeńnie pracesualnaha zakanadaŭstva».
Siońnia ž sud admoviŭ advakatu Uładzisłava Kavalova Stanisłavu Abrazieju ŭ pakadravym prahladzie videazapisaŭ sistem nazirańnia, ustanoŭlenych na stancyjach mietro «Frunzienskaja», «Kupałaŭskaja» i «Kastryčnickaja», i ŭ vykliku ŭ sud u jakaści śviedak śpiecyjalistaŭ, jakija adkazvajuć za pracu sistem videanazirańnia ŭ Administracyi prezidenta i HUUS Minharvykankama. Adnak buduć vyklikany ŭ sud anałahičnyja śpiecyjalisty ź Minskaha mietrapalitena.
Pa rašeńni Viarchoŭnaha suda ŭ jakaści śviedki na praces budzie vyklikany mašynist elektraciahnika, jaki paciarpieŭ padčas vybuchu na stancyi mietro «Kastryčnickaja» 11 krasavika 2011 hoda. Abarona abvinavačvanych śćviardžaje, što hetaja asoba pakul navat nie ŭstanoŭlena.
Aprača taho, siońnia sud razhledzieŭ pytańnie ab niajaŭcy niekatorych śviedak. Było vyrašana dastavić ich u prymusovym paradku 31 kastryčnika.
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary