Staŭka refinansavańnia Nacyjanalnaha banka 16 maja 2012 hoda źnizicca da 34% hadavych. Adpaviednaja pastanova pryniata 10 maja praŭleńniem Nacbanka, paviedamili va ŭpraŭleńni infarmacyi banka.
Kamitetam pa manietarnaj palitycy Nacyjanalnaha banka pryniata rašeńnie ab źnižeńni z 16 maja pracentnaj staŭki pa pastajanna dastupnych apieracyjach padtrymki likvidnaści (kredyt aviernajt, svop aviernajt) i dvuchbakovych apieracyjach (łambardny kredyt, ździełki svop) z 60 da 55% hadavych, pracentnaj staŭki pa pastajanna dastupnych apieracyjach vyklučeńnia likvidnaści (depazit aviernajt) — z 23 da 20% hadavych.
«Hetyja rašeńni hruntujucca na pazityŭnych acenkach zachavańnia sioleta najaŭnych tendencyj u ekanomicy, u pieršuju čarhu zapavolvańnia inflacyjnych pracesaŭ. Indeks spažyvieckich cen na tavary i pasłuhi ŭ krasaviku 2012 hoda ŭ paraŭnańni sa śniežniem 2011 hoda skłaŭ 106,8%, u tym liku bazavy indeks spažyvieckich cen — 106,1%, što adpaviadaje ich prahnoznaj dynamicy z vychadam pavodle vynikaŭ hoda na ŭzrovień inflacyi ŭ 119–122%», — prakamientavali ŭ Nacbanku.
Va ŭpraŭleńni infarmacyi banka taksama zaznačyli, što «paśladoŭnaje pavyšeńnie stanoŭčaha salda źniešniaha handlu tavarami i pasłuhami razam z pastajannym pieravyšeńniem prapanovy zamiežnaj valuty nad popytam na jaje na ŭnutranym valutnym rynku farmirujuć umovy dla ŭstojlivaści abmiennaha kursu biełaruskaha rubla i navat dla ŭmacavańnia nacyjanalnaj valuty».
«Niahledziačy na źnižeńnie pracentnych stavak, manietarnyja ŭmovy zachavajuć stupień žorstkaści, nieabchodnuju dla padtrymańnia makraekanamičnaj i finansavaj stabilnaści ŭ krainie. Nacyjanalny bank maje namier i ŭ dalejšym pravodzić hnutkuju pracentnuju palityku, svoječasova reahavać na źmienu situacyi ŭ źniešnim handli, realnym siektary ekanomiki i na finansavych rynkach», — havorycca ŭ paviedamleńni.
Heta budzie čaćviortaje z pačatku 2012 hoda panižeńnie staŭki refinansavańnia:pieršy raz jana była źnižana 15 lutaha, zatym — 1 sakavika i 2 krasavika. Na praciahu 2011 hoda staŭku refinansavańnia pavyšali 12 razoŭ.
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary