I zabaraniła praviadzieńnie ŭ Minsku kancerta šviedskaha hurtu Marduk.
Hienieralnaja prakuratura zabaraniła praviadzieńnie ŭ Minsku kancerta šviedskaha hurtu Marduk, jaki pavinien byŭ adbycca 22 maja ŭ kłubie Re:Public.
Pra heta 14 maja žurnalistam paviedamiŭ načalnik upraŭleńnia Hienprakuratury pa nahladzie za vykanańniem zakanadaŭstva i zakonnaściu pravavych aktaŭ Pavieł Radzivonaŭ.
«Hrupa vyznaje satanizm. Ničoha ahulnaha z tvorčaściu heta nie maje. Heta ździek z chryścijanskich kaštoŭnaściaŭ, jany prapaviedujuć idei śmierci, treciaha rejcha. Tvorčaść nosić absalutna destruktyŭny charaktar. Heta satanisty, u lubym cyvilizavanym hramadstvie heta pavinna być zabaroniena. Toje, što jany robiać, pierachodzić usiakija miežy», — skazaŭ pradstaŭnik Hienprakuratury.
Jon nahadaŭ, što mierapryjemstvy, na jakich moža prapahandavacca mižnacyjanalnaja i mižkanfiesijnaja varožaść, u Biełarusi zabaronieny.Dyrekcyi kłuba Re:Public vyniesiena aficyjnaje papiaredžańnie ab niedapuščalnaści parušeńnia zakanadaŭstva. Razam z hurtom Marduk u kłubie pavinny vystupić jašče čatyry zamiežnyja hurty. Ich vystupleńni nie zabaranialisia, adnak arhanizatary papiaredžany ab tym, što ŭ vypadku parušeńnia zakanadaŭstva ahulny kancert moža być spynieny, zaznačyŭ pradstaŭnik Hienprakuratury.
Radzivonaŭ taksama paviedamiŭ, što aficyjnaje papiaredžańnie ab niedapuščalnaści parušeńnia zakanadaŭstva Hienprakuraturaj vyniesiena arhanizataram kancerta «Hrupy Leninhrad», jaki pavinien adbycca 18 maja ŭ adnoj z samych papularnych zabaŭlalnych ustanoŭ Minska.U jakoj kankretna, pradstaŭnik prakuratury havaryć admoviŭsia, nie žadajučy rabić joj rekłamu.
Razam z tym jon źviarnuŭ uvahu na toje, što lidar «Leninhrada» Siarhiej Šnuraŭ vykarystoŭvaje ŭ tekstach svaich piesień niecenzurnuju łajanku, što nie mahło nie zastacca biez uvahi hałoŭnaha nahladnaha orhana krainy.
Radzivonaŭ nahadaŭ, što niecenzurnaja łajanka ŭ hramadskim miescy kvalifikujecca jak chulihanstva i da administracyjnaj adkaznaści mohuć być pryciahnuty jak sam vykanaŭca, hetak i arhanizatary kancerta.Pavodle jaho słoŭ, arhanizatary abaviazalisia pravieści adpaviednuju hutarku sa Šnuravym, «kab nie dapuścić matu sa sceny». «Heta pytańnie nie tolki vykanańnia zakanadaŭstva, ale i maralnaha stanu našaha hramadstva. Našy dziejańni majuć cyvilizavany zabaranialny charaktar, my nie pretendujem na cenzaraŭ», — skazaŭ Radzivonaŭ.
Jon paviedamiŭ, što Hienprakuratura źviarnuła ŭvahu kamiteta pa kultury Minharvykankama na nieabchodnaść naležnaha kantrolu za takimi kancertami, «nie zamachvajučysia na svabodu tvorčaści».
Ciapier čytajuć
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły7
Kamientary