Spoŭnicca 150 hadoŭ z času paŭstańnia 1863 hoda suprać Rasijskaj impieryi.
Siejm Litvy na svaim pasiadžeńni 22 maja abviaściŭ nastupny hod Hodam paŭstańnia-1863 suprać Rasijskaj impieryi. «Za» siońnia prahałasavali 46 deputataŭ, dvoje ŭstrymalisia.
Siejm Litvy pryniaŭ rašeńnie «ŭličvajučy histaryčnaje i kulturnaje značeńnie Paŭstańnia na litoŭskaj, biełaruskaj i polskaj ziemlach», — paviedamlaje BNS.
U studzieni 2013 h. spoŭnicca 150 hadoŭ z času paŭstańnia.
Na dumku śpikiera Siejma Ireny Dziahutenie i ministra zamiežnych spraŭ Aŭdroniusa Ažubalisa, Paŭstańnie 1863 h. — važnaja častka jeŭrapiejskaj historyi Litvy, a
hetym rašeńniem parłamient choča padkreślić histaryčnyja i kulturnyja suviazi z susiedziami — Polščaj i Biełaruśsiu.«Značeńnie hetaj padziei padčas savieckaj akupacyi było padarvanaje i skažonaje, tamu majučy adbycca jubilej daje mahčymaść abjektyŭna zirnuć na historyju paŭstańnia, pieraasensavaŭšy jaho ŭ palityčnym kantekście».
Da 1 vieraśnia 2012 hoda pavinna być raspracavana prahrama jubilejnych mierapryjemstvaŭ.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary