Adsutnaść rasijskaha rubla ŭ Biełarusi — nie katastrofa, u kryzisie ŭsio adno vinavatyja aŭtamabilisty, a što pryvatyzoŭvać — budziem vyrašać sami.
Alaksandr Łukašenka nie ličyć katastrofaj toj fakt, što rasiejski rubiel nie ŭviedzieny ŭ Biełarusi ŭ hrašovy zvarot zamiest biełaruskaha rubla. Pra heta jon zajaviŭ 14 červienia na sustrečy z prezidentam Baškartastana Rustemam Chamitavym.
«Dla mianie Biełaruś — heta śviatoje, darečy, jak i Rasija, i našy adnosiny — śviatyja, jakija b u nas hrošy ni byli.U nas — biełaruskija rubli, u vas — rasijskija. Kali my zachočam, to buduć pracavać valuty i ŭ nas, i ŭ vas. My znojdziem mahčymaść. I toje, što ŭ nas niama siońnia rasijskaha rubla, — heta nie katastrofa «, — skazaŭ Łukašenka.
Napiaredadni ŭ apublikavanym intervju ambasadar Rasii ŭ Biełarusi Alaksandr Surykaŭ zajaviŭ ab nieabchodnaści viartacca da pytańnia ŭviadzieńnia adzinaj valuty. «Druhoha kryzisu biełaruskaja sistema nie pieražyvie», — adznačyŭ jon.
«Abryniemsia my, nie abryniemsia, pieražyviem my čarhovy kryzis biez rasiejskich hrošaj abo nie pieražyviem — heta, viedajecie, pytańnie adkrytaje, jakoje možna siońnia abmiarkoŭvać i debatavać, —ličyć Alaksandr Łukašenka. — Ja da taho, što nas pačynajuć užo pieraścierahać: budzie zaŭtra kryzis i Biełaruś jaho nie pieražyvie. Tamu ja jašče raz chaču nahadać, što finansavy kryzis, jaki my pieražyli… Darečy, na vialikim uzdymie vytvorčaści my tym nie mienš atrymali finansavy kryzis. Chaču nahadać, što za piacihodku amal u 5 razoŭ vyraśli ceny na enierhanośbity. Ni adna ekanomika nie zmahła b vytrymać takoha ŭdaru. A my ŭsio ž taki budujem adzinuju Sajuznuju dziaržavu».
«I
Biełaruś sama budzie vyrašać, što, kali, pa jakoj canie i na jakich umovach pryvatyzavać, skazaŭ Alaksandr Łukašenka.
«Liču, my ab mnohim možam damovicca. U nas vielmi dobryja kantakty, — zhadziŭsia Alaksandr Łukašenka. — U hetych adnosinach jość dušeŭnaść. Heta darahoha kaštuje, tamu što ŭ naš čas, vielmi burny i časam niezrazumieły, časam i pasły nie mohuć razabracca, što adbyvajecca, i ŭ svaich intervju ledź nie ŭmiešvajucca va ŭnutranyja spravy tych abo inšych dziaržaŭ. A heta ich sprava raźbiracca ŭ hetym. Tym nie mienš, našy adnosiny naŭrad ci chtości sapsuje».
Skazanaje Łukašenkam možna ličyć adkazam na apublikavanaje napiaredadni intervju pasła Rasii ŭ Biełarusi Alaksandra Surykava, adznačyłapres-słužba prezidentury.
U pryvatnaści, u zhadanym intervju Alaksandr Surykaŭ, adkazvajučy na pytańnie ab tym, čamu biełaruskija ŭłady nie iduć pa šlachu «narmalnaj pryvatyzacyi», skazaŭ: «Bo palityka błytajecca z ekanomikaj u hetaj situacyi». «Voś i prykryvajucca pryhožymi słovami: narodnaje i hetak dalej, — ličyć rasijski pasoł, — niavažna, chto kupić biełaruskija pradpryjemstvy — rasiejcy, amierykancy, — treba advažvacca na pryvatyzacyju».
«Ja chaču, kab vy viedali, što my hatovy z vami supracoŭničać na samych demakratyčnych, kali možna tak skazać u ekanomicy, pryncypach. Kali idzie pryvatyzacyja, značyć, tut moža być tolki kruhły stoł, pierahavory. Nu, a kali Rasija siońnia baicca, što naš supolny rynak adzinaj mytnaj prastory zapoŭniać niejkija tannyja padrobki ź inšych krain, tady nie treba było jaho stvarać.
My jašče nie paśpieli jaho stvaryć, a siońnia ŭžo syplucca zajavy, jakija razburajuć hetu Adzinuju ekanamičnuju prastoru», — kanstatavaŭ Łukašenka.
«My ž jaje stvaryli dla taho, kab pracavać z horda ŭźniataj hałavoj na hetaj prastory, i kab my zaŭsiody mahli abaranicca ad inšych, abaranić svaich tavaravytvorcaŭ, abaranić svaich ludziej, kab kožny ŭ hetaj Adzinaj ekanamičnaj prastory dziejničaŭ na raŭnapraŭnaj asnovie. Tamu što ŭsie dakumienty zychodziać z hetaha, i kab vialikaja i małaja dziaržavy mieli roŭnyja pravy i mahčymaści. Niedapuščalna, kali niedzie niešta atrymałasia ŭ adnoj dziaržavy, a astatnija (dziaržavy AEP) pačynajuć jaje nachilać i cisnuć», — narakaŭ Łukašenka.
Pry hetym jon padkreśliŭ: «My viedajem, što takoje kankurencyja, što takoje rynak, ale my nie chočam paŭtaryć pryvatyzacyju pa rasijskim varyjancie, jak heta było ŭ«Voś umovy, jany zrazumiełyja dla ŭsich, cana pradpryjemstva. Kali vas nie zadavolvaje, dyk nie prychodźcie vieści pierahavory. Tamu90-ja ».
pryvatyzacyja ŭ Biełarusi budzie, ale heta naša pryvatyzacyja, heta my budziem vyrašać, što nam pryvatyzavać i kali. I, samaje hałoŭnaje, pa jakoj canie i na jakich umovach», — zaŭvažyŭ Łukašenka.
«Jašče chaču zaŭvažyć: my zychodzim z taho, što pryvatyzacyja i inšyja pytańni — heta nie tolki ekanomika. Heta i vialikaja palityka. Tamu pamylacca ŭ hetym płanie nielha», — dakazvaŭ Łukašenka.
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary