U Biełaruś pastupiŭ treci tranš kredytu Antykryzisnaha fondu JeŭrAzES u pamiery 440 miljonaŭ dołaraŭ ZŠA. «Hrošy pastupili na rachunak Ministerstva finansaŭ u Nacyjanalnym banku Biełarusi i buduć aŭtamatyčna zaličany ŭ skład zołatavalutnych reziervaŭ krainy»,— paviedamili BiełaPAN va ŭpraŭleńni infarmacyi Nacbanka.
Ahulny abjom kredytu Antykryzisnaha fondu (AKF) JeŭrAzES składaje 3 młrd. dołaraŭ, pastupleńnie srodkaŭ ažyćciaŭlajecca tranšami na praciahu troch hadoŭ (2011–2013). Suma kredytu ŭ 2011 hodzie skłała 1,24 młrd. dołaraŭ. Astatnija srodki pavinny pastupać roŭnymi tranšami pa 440 młn. dołaraŭ dvojčy na hod na praciahu 2012–2013 hadoŭ.
Hrošy pieraličvajucca pa miery vykanańnia Biełaruśsiu ŭzhodnienych mier prahramy stabilizacyi płaciežnaha bałansu i pavyšeńnia kankurentazdolnaści ekanomiki, raspracavanaj uradam krainy.
Treci tranš u 440 miljonaŭ dołaraŭ pavinien byŭ być vydzieleny jašče ŭ lutym 2012 hoda. Adnak stanoŭčaje rašeńnie było pryniata tolki pavodle vynikaŭ pieramoŭ pamiž kiraŭnikami Rasii i Biełarusi Uładzimiram Pucinym i Alaksandram Łukašenkam, što prajšli 31 maja ŭ Minsku.
8 červienia vydzialeńnie čarhovaha tranšu było ŭchvalena savietam AKF «na padstavie acenki spravazdačy Ministerstva finansaŭ Biełarusi ab vykanańni ŭmoŭ tranšu, zroblenaj Jeŭrazijskim bankam raźvićcia (JEABR) jak kiraŭnikom srodkami AKF».
Aprača taho, saviet AKF uchvaliŭ novy list ab namierach, padpisany prem'
«Novy list ab namierach i novaja prahrama na 90% supadajuć ź pieršapačatkovymi. Ahulnyja kontury prahramy zastalisia tymi ž», — skazaŭ 8 červienia kiraŭnicki dyrektar JEABR pa zabieśpiačeńni dziejnaści AKF, namieśnik staršyni JEABR Siarhiej Šatałaŭ. Jon zaznačyŭ, što pazityŭnyja zruchi, u tym liku na valutnym rynku, jakija adbylisia ŭ druhoj pałovie minułaha hoda ŭ Biełarusi, pradoŭžylisia i sioleta.
Pry hetym Šatałaŭ padkreśliŭ, što ŭrad Biełarusi paćviardžaje abaviazacielstva pryvatyzavać u 2012 hodzie dziaržaŭnaj ułasnaści nie mienš jak na 2,5 młrd. dołaraŭ. «Pakul nie zakončycca hod, u nas niama padstaŭ mierkavać, što ŭrad nie dasiahnie zhadanaha ŭzroŭniu pryvatyzacyjnych dachodaŭ», — dadaŭ Šatałaŭ, kamientujučy adsutnaść značnych pośpiechaŭ uładaŭ u śfiery pryvatyzacyi ŭ
Jon zajaviŭ, što «pryvatyzacyja važnaja jak krynica nadaŭhavoha finansavańnia biudžetu i płaciežnaha bałansu Biełarusi». «Źniešni dziarždoŭh Biełarusi dastatkova nizki i daloki ad krytyčnych uzroŭniaŭ šerahu krain Jeŭropy, ale, tym nie mienš, apošnija hady jon dadatkova chutka uzrastaŭ. I dalejšaje značnaje naroščvańnie źniešniaj zapazyčanaści Biełarusi było b niepažadanym», — skazaŭ Šatałaŭ.
Čaćviorty tranš kredytu — taksama ŭ 440 miljonaŭ dołaraŭ — moža być pieraličany vosieńniu.
Ciapier čytajuć
Spalnyja miescy ŭ «Minsk-Śviecie» mohuć vyklikać kłaŭstrafobiju. Jak ekanomiać prastoru ŭ sučasnych kvaterach-studyjach13
Kamientary